ඇප මත මුදාහැර සිටි ශ්රී ලංකන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන මහතා වහාම අත්අඩංගුවට ගෙන අධිකරණයට ඉදිරිපත් කරන ලෙස කොළඹ මහේස්ත්රාත් අධිකරණය අද (07) නියෝග කළේය. අල්ලස් හෝ දූෂණ චෝදනා විමර්ශන කොමිෂන් සභාව විසින් ඉදිරිපත් කරන ලද කරුණු සහ මෝසමක් සලකා බැලීමෙන් අනතුරුව කොළඹ ප්රධාන මහේස්ත්රාත් අසංග එස්. බෝදරගම මහතා විසින් මෙම නියෝගය නිකුත් කරනු ලැබීය.
ගුවන් යානා මිලදී ගැනීමේදී සිදු වූ බව කියන ආන්දෝලනාත්මක එයාර් බස් ගනුදෙනුවට අදාළව මොහුට එරෙහිව පවතින නඩු විභාගය සැලකිල්ලට ගනිමින් මෙම පියවර ගෙන තිබේ. මීට පෙර ඔහුට ලබා දී තිබූ ඇප නියෝගය අවලංගු කිරීමට අධිකරණය තීරණය කර ඇති අතර, ඒ අනුව ඔහුව අත්අඩංගුවට ගෙන ඉදිරි නීතිමය කටයුතු සඳහා ඉදිරිපත් කරන ලෙස පොලීසියට උපදෙස් ලැබී ඇත.
