තරග පාවාදීමේ සහ දූෂණ විරෝධී නීති උල්ලංඝනය කිරීමේ බරපතළ චෝදනා මත බංග්ලාදේශ ක්රීඩක සමිනූර් රහ්මාන්ට (Saminur Rahman) ජීවිතාන්තය දක්වා වූ තරග තහනමක් පැනවීමට බංග්ලාදේශ ක්රිකට් ආයතනය ඊයේ (07) පියවර ගෙන තිබේ. 2025-26 බංග්ලාදේශ ප්රිමියර් ලීග් (BPL) තරගාවලියේදී “චැටෝග්රෑම් රෝයල්ස්” කණ්ඩායම නියෝජනය කළ ඔහු, ඔට්ටු ඇල්ලීමේ ජාවාරම්කරුවන් සමඟ සෘජුව සම්බන්ධ වී ඇති බව විමර්ශනවලදී අනාවරණය වී ඇත.
බංග්ලාදේශ ක්රිකට් ආයතනය විසින් සිදු කළ මෙම පුළුල් දූෂණ විමර්ශනයේදී එම කණ්ඩායමේම තවත් ක්රීඩකයින් සහ නිලධාරීන් ඇතුළු සිව්දෙනෙකුගේ වැඩ තහනම් කිරීමට ද පියවර ගෙන තිබේ. අයි.සී.සී. (ICC) දූෂණ විරෝධී නීති සංග්රහය ආරක්ෂා කිරීම වෙනුවෙන් බංග්ලාදේශ ක්රිකට් බලධාරීන් ගත් මෙම දැඩි තීන්දුව ජාත්යන්තර ක්රිකට් ක්ෂේත්රයේ දැඩි අවධානයට ලක්ව ඇත.
කෙසේ වෙතත්, මෙම දඬුවම් අවසන් වශයෙන් ක්රියාත්මක කිරීමට පෙර, චෝදනා ලැබූ සියලුම පාර්ශවයන්ට සිය නිර්දෝෂීභාවය ඔප්පු කිරීම සඳහා ඊයේ (07) සිට දින 14ක සහන කාලයක් ලබා දී තිබේ. ක්රිකට් ක්රීඩාවේ ගෞරවය ආරක්ෂා කිරීම වෙනුවෙන් මෙවැනි විනය ක්රියාමාර්ග අත්යවශ්ය බව බංග්ලාදේශ ක්රිකට් පාලක මණ්ඩලය අවධාරණය කරයි.
