ගාල්ල, දංගෙදර, ඩික්සන් හන්දිය ප්රදේශයේ අද (12) උදෑසන සිදුවූ වෙඩි තැබීමෙන් බරපතළ තුවාල ලබා සිටි පුද්ගලයා කරාපිටිය රෝහලේ ප්රතිකාර ලබමින් සිටියදී මියගොස් තිබේ.
අද උදෑසන 7.30ට පමණ මෝටර් රථයකින් පැමිණි සන්නද්ධ තුවක්කුකරුවෙකු විසින් මෙම වෙඩි තැබීම සිදුකර ඇති අතර, අනතුරුව සැකකරුවන් ප්රදේශයෙන් පලාගොස් තිබේ. වෙඩි ප්රහාරයට ලක්වූ පුද්ගලයා වහාම කරාපිටිය ශික්ෂණ රෝහල වෙත ඇතුළත් කිරීමට ප්රදේශවාසීන් පියවර ගෙන තිබුණ ද, ඔහුගේ ජීවිතය බේරා ගැනීමට වෛද්යවරුන්ට හැකි වී නැත.
ඝාතනයට හේතුව මෙතෙක් අනාවරණය වී නොමැති අතර, පාතාල කල්ලි අතර පවතින ආරවුලක් මත මෙම වෙඩි තැබීම සිදුවන්නට ඇති බවට සැකකෙරේ. සිද්ධිය සම්බන්ධයෙන් ගාල්ල පොලිසිය විශේෂ විමර්ශනයක් ආරම්භ කර ඇති අතර පලාගිය සැකකරුවන් සහ මෝටර් රථය සොයා මෙහෙයුම් ක්රියාත්මක කර තිබේ.
