ඉන්දීය රජයේ ආධාර මත ඉදිකළ මහල් 11කින් යුත් යාපනය තිරුවල්ලුවර් සංස්කෘතික මධ්යස්ථානයේ පාලන හා කළමනාකරණ කටයුතු විධිමත් කිරීම සඳහා නව භාරයක් (Trust) ස්ථාපිත කිරීමට අමාත්ය මණ්ඩල අනුමැතිය හිමිව තිබේ. යාපනයේ සංස්කෘතික උරුමය සුරැකීම සහ ප්රවර්ධනය කිරීමේ අරමුණින් ඉදිකළ මෙම මධ්යස්ථානය, ශ්රී ලංකා රජය හරහා යාපනය මහ නගර සභාව වෙත පැවරීමට නියමිතය.
පවරා දීමෙන් පසු එහි කටයුතු ස්වාධීනව සහ කාර්යක්ෂමව පවත්වාගෙන යාම සඳහා මෙම භාරය පිහිටුවීමට අදාළ පාර්ශ්වයන් එකඟ වී ඇති අතර, ඒ සඳහා සකස් කළ භාර ඔප්පු කෙටුම්පතට නීතිපතිවරයාගේ අනුමැතිය ද හිමිව ඇත. බුද්ධ ශාසන, ආගමික සහ සංස්කෘතික කටයුතු අමාත්යවරයා ඉදිරිපත් කළ මෙම යෝජනාව මගින් මධ්යස්ථානයේ ඉදිරි මෙහෙයුම් කටයුතු වඩාත් විධිමත් වනු ඇතැයි අපේක්ෂා කෙරේ.
