තමිල්නාඩුවේ නව මහ ඇමතිවරයා ලෙස පත් වූ තලපති විජේ මහතා එම ධුරයේ බලය තහවුරු කරගැනීම සඳහා අවශ්ය ප්රාන්ත සභාවේ බහුතර විශ්වාසය දිනා ගැනීමට සමත්ව තිබේ. අද (13) පැවති මෙම විශ්වාසය විමසීමේ ඡන්ද විමසීමේදී ඔහුට පක්ෂව ඡන්ද 144ක් සහ විපක්ෂව ඡන්ද 22ක් ලැබී ඇති අතර, ඒ අනුව ඡන්ද 122ක බහුතර බලයක් ඔහු විසින් තහවුරු කරගෙන ඇත.
මෙම තීරණාත්මක ඡන්ද විමසීම පැවැත්වෙන අවස්ථාවේදී DMK සහ DMDK පක්ෂවල මන්ත්රීවරුන් සභාවෙන් පිටව ගොස් ඇති අතර, මන්ත්රීවරුන් 54 දෙනෙකු ඡන්දය ප්රකාශ කිරීමෙන් වැළකී සිටි බව ඉන්දීය මාධ්ය වාර්තා කරයි. මෙලෙස ඡන්දය දීමෙන් වැළකී සිටි පිරිස අතර PMK මන්ත්රීවරුන් සිව්දෙනෙකු සහ එක් BJP මන්ත්රීවරයෙකු ද වන බව සඳහන් වේ.
