2025/2026 ශ්රී පාද වන්දනා වාරය එළඹෙන මැයි මස 30 වැනි දිනට යෙදෙන වෙසක් පුර පසළොස්වක පොහෝ දිනෙන් අවසන් වන බව ශ්රී පාදස්ථානාධිපති, බෙංගමුවේ ධම්මදින්න නාහිමියෝ නිල වශයෙන් ප්රකාශ කළහ. රත්නපුර දිස්ත්රික් ලේකම් කාර්යාලයේදී සහ පැල්මඩුල්ල ප්රාදේශීය ලේකම් කාර්යාලයේදී පැවති විශේෂ සාකච්ඡාවකදී උන්වහන්සේ මේ බව සනාථ කළහ.
සිරිත් පරිදි 2025 දෙසැම්බර් 04 වැනිදා ආරම්භ වූ මෙවර වන්දනා වාරය අවසන් කරමින්, ශ්රී සුමන සමන් දේව ප්රතිමාව සහ දේවාභරණ ශ්රී පාද උඩමළුවේ සිට පැල්මඩුල්ල ගල්පොත්තාවෙල ශ්රී පාද රජමහා විහාරස්ථානය වෙත වැඩම කරවීම මැයි මස 31 වැනිදා සිදු කෙරේ.
වෙසක් පොහෝ දිනය තීරණය කිරීමේදී විසා නැකත පදනම් කරගන්නා බවත්, ඒ අනුව ශාස්ත්රනුකූලව මෙවර වෙසක් මංගල්යය මැයි 30 වැනිදාට යෙදෙන බැවින් වන්දනා වාරය එදිනෙන් අවසන් කිරීමට තීරණය කළ බවත් නාහිමියෝ වැඩිදුරටත් පැහැදිලි කළහ.
මෙම සාකච්ඡාව සඳහා රත්නපුර දිස්ත්රික් ලේකම් කේ.ජී.එස්. නිශාන්ත මහතා, පැල්මඩුල්ල ප්රාදේශීය ලේකම් සිතාරා රුවිනි ගමගේ මහත්මිය ඇතුළු රාජ්ය නිලධාරීන් සහ මහා සංඝරත්නය පිරිසක් සහභාගී වූහ. එළඹෙන වෙසක් සිරියත් සමඟ මෙවර වන්දනා සමය නිමාවට පත් වීමට නියමිතය.
