ශ්රී ලංකාවේ ප්රමුඛතම සුඛෝපභෝගී ලී ගෘහභාණ්ඩ නිෂ්පාදන ආයතනයක් වන Mahogany Masterpieces (Pvt) Ltd, සිය 52 වසරක අභිමානවත් ඉතිහාසයේ නව පිටුවක් පෙරළමින් සිය නවතම ඩිජිටල් වෙබ් අඩවිය (www.mahogany.lk
) නිල වශයෙන් දියත් කර තිබේ. මෙම නව වෙබ් අඩවිය හරහා සමාගම ලබාදෙන ගෘහභාණ්ඩ එකතුව, අභ්යන්තර අලංකරණ විසඳුම් (Interior solutions), ගෘහභාණ්ඩ ප්රතිසංස්කරණ සේවාව (Furniture Spa) සහ රටවල් 16ක් කරා විහිදුණු අපනයන සේවාවන් පිළිබඳ සියලු තොරතුරු දැන් එකම වහලක් යටදී ලබාගත හැකිය.
මෙම ඩිජිටල් පියවරෙහි සුවිශේෂීම අංගය වන්නේ වෙබ් අඩවියට පිවිසෙන්නන් සඳහා හඳුන්වා දී ඇති MM AI Concierge සේවාවයි. ශ්රී ලංකාවේ සුඛෝපභෝගී සන්නාමයක් විසින් හඳුන්වා දුන් නවීනතම සහ දියුණුතම AI සහායකයා ලෙස සැලකෙන මෙය, නිෂ්පාදන, අමුද්රව්ය, නිමවුම් සහ සන්නාමයේ උරුමය පිළිබඳව ඕනෑම වේලාවක පාරිභෝගිකයන්ට තොරතුරු සැපයීමට සමත් වෙයි. විශේෂයෙන්ම, වෙනත් කිසිදු නිෂ්පාදකයෙකුට අනුකරණය කළ නොහැකි, අදියර 12කින් යුත් ඔවුන්ටම ආවේණික ‘Piano Finish’ නිමවුම පිළිබඳව සහ අනෙකුත් සේවාවන් ගැන ඉතා නිරවද්ය තොරතුරු මෙමඟින් පාරිභෝගිකයන්ට ලබාගත හැකිය.
තාක්ෂණය යනු මානව සබඳතා තවදුරටත් ශක්තිමත් කිරීමට ඇති මෙවලමක් මිස මිනිස් ශ්රමය ප්රතිස්ථාපනය කරන්නක් නොවන බව කළමනාකාර අධ්යක්ෂ කිෂාන් ගුණරත්න මහතා මෙහිදී අවධාරණය කළේය. මෙම නව වෙබ් අඩවිය හුදු තොරතුරු පත්රිකාවක් (Brochure) පමණක් නොව, අඩ සියවසකට අධික කාලයක් පුරා ඔවුන් ගොඩනැඟූ ශිල්පීය හැකියාව සහ ගුණාත්මකභාවය ලොවටම ප්රදර්ශනය කරන ඩිජිටල් නිවහන බව ඔහු වැඩිදුරටත් සඳහන් කළේය.
