හිටපු අමාත්ය බැසිල් රාජපක්ෂ මහතාට අයත් බව කියන මල්වානේ පිහිටි විවාදාත්මක නිවස සහ ඉඩම අත්පත් කරගත් අන්තර් විශ්වවිද්යාලයීය ශිෂ්ය බලමණ්ඩලයේ (අන්තරේ) සිසුන්, ඊයේ (15) රාත්රියේ ද එහි රැඳී සිටිමින් සිය විරෝධතාව අඛණ්ඩව පවත්වාගෙන ගොස් තිබේ. අධ්යාපන අමාත්යාංශයේ නිලධාරීන් සමඟ ඊයේ පැවැත්වූ සාකච්ඡා අසාර්ථක වීමත් සමඟ ඔවුන් මෙම තීරණය ගෙන ඇති බව වාර්තා වේ.
විශ්වවිද්යාල සිසුන් මුහුණ දෙන නේවාසිකාගාර හිඟය ඇතුළු යටිතල පහසුකම් ගැටලු සඳහා විසඳුම් ලෙස, අක්කර 15ක් පුරා විහිදුණු මෙම “හිමිකරුවෙකු නොමැති” බව කියන රජයට පවරාගත් දේපළ ශිෂ්ය ප්රයෝජනය සඳහා වහාම වෙන් කරන ලෙස ඔවුන් බලධාරීන්ගෙන් ඉල්ලා සිටියි. දූෂිත ක්රමවලින් උපයාගත් දේපළ ජනතාවට ලබා දෙන බවට වත්මන් රජය ලබා දුන් පොරොන්දු ඉටු කරන ලෙස අවධාරණය කරමින් සිසුන් පවසන්නේ, සිය ඉල්ලීම්වලට සාධාරණ විසඳුමක් ලැබෙන තෙක් මල්වාන පරිශ්රයෙන් ඉවත් නොවන බවයි. මේ වන විට එම මන්දිරයේ විවිධ බැනර් ප්රදර්ශනය කරමින් සහ කඳවුරු බැඳ ගනිමින් සිසුන් සිය සටන ක්රියාත්මක කරමින් සිටී.
