ලබන අගෝස්තු මාසය දක්වා මෙරට ඉන්ධන අවශ්යතාව සපුරාලීමට ප්රමාණවත් තොග පවතින බවත්, වසරේ ඉතිරි මාස සඳහා අවශ්ය ඉන්ධන ඇණවුම් ද මේ වන විටත් සිදු කර ඇති බවත් අග්රාමාත්ය කාර්යාලය නිවේදනය කරයි. පවතින බලශක්ති තත්ත්වය හමුවේ මහජන සේවාවන් බාධාවකින් තොරව පවත්වාගෙන යාම පිළිබඳව අග්රාමාත්ය හරිනි අමරසූරිය මහත්මියගේ ප්රධානත්වයෙන් ඊයේ (15) පැවති හයවන සමාලෝචන රැස්වීමේදී මෙම කරුණු අනාවරණය විය.
දීර්ඝ කාලීන බලශක්ති කළමනාකරණය, ඉන්ධන බෙදා හැරීම සහ විදුලිය පිරිමැසීම කෙරෙහි මෙහිදී වැඩි අවධානයක් යොමු වූ අතර, දැනට පවතින ඉන්ධන බෙදා හැරීමේ ක්රමවේදය වෙනුවට QR කේත ක්රමයක් හඳුන්වා දීම සහ ඉන්ධන කෝටාවන් ඉහළ නැංවීම පිළිබඳව ද සාකච්ඡා කර ඇත. බලශක්ති අර්බුදය තවමත් සම්පූර්ණයෙන් පහව ගොස් නොමැති බැවින් සෑම රජයේ ආයතනයකටම “බලශක්ති කළමනාකරුවෙකු” පත් කිරීමටත්, පුනර්ජනනීය බලශක්තිය දිරිමත් කිරීමටත් මෙහිදී තීරණය විය. එසේම එළඹෙන වෙසක් සතිය තුළ බාධාවකින් තොරව විදුලිය ලබා දීමට පියවර ගන්නා ලෙස ද අග්රාමාත්යවරිය නිලධාරීන්ට උපදෙස් ලබා දුන්නාය.
