නාගරික සංවර්ධන අධිකාරිය (UDA) සහ ප්රවාහන, මහාමාර්ග හා නාගරික සංවර්ධන අමාත්යාංශයේ නිලධාරීන් කණ්ඩායමක් ඊයේ (15) කොළඹ පාවෙන වෙළඳ සංකීර්ණයේ (Floating Market) නිරීක්ෂණ චාරිකාවක නිරත වූ අතර, එහිදී එම පරිශ්රය අතිශය අබලන් තත්ත්වයට පත්ව ඇති බව අනාවරණය විය.
2014 වසරේදී ආරම්භ කරන ලද මෙම ව්යාපෘතිය යටතේ සාප්පු 92ක් ඉදිකර තිබුණද, මේ වන විට ක්රියාත්මක වන්නේ ඉන් සාප්පු 16ක් වැනි සුළු සංඛ්යාවක් පමණි. නඩත්තු කටයුතු නිසි ලෙස සිදු නොවීම හේතුවෙන් එහි ලී සහ ලෝහමය ව්යුහයන් දිරාපත්ව ඇති අතර, එය මහජන ආරක්ෂාවට දැඩි තර්ජනයක් වී තිබේ. විශේෂයෙන්ම බස්තියාන් මාවත සහ ඩී.ආර්. විජේවර්ධන මාවත යා කරන පදික මංතීරුවේ අත්වාරු (Railings) කැඩී යාම නිසා දිනපතා ගමන් ගන්නා මගීන් අනතුරට ලක්වීමේ අවදානමක් පවතින බව නිලධාරීහු පෙන්වා දෙති.
පවතින අබලන් තත්ත්වය පිළිබඳව වාර්තාව මෙසේය:
අබලන් ව්යුහයන්: විදුලි පද්ධතිය අක්රිය වීම නිසා රාත්රී කාලයේදී ප්රදේශය අඳුරේ පවතින අතර, එය විවිධ නීතිවිරෝධී කටයුතු සඳහා තෝතැන්නක් වී ඇත.
බේරේ වැව සංවර්ධනය: හෙක්ටයාර 65ක් පුරා විහිදුණු බේරේ වැව පරිශ්රය, ගංගාරාම ප්රදේශය සහ “කලාදූව බබල් ෂේඩ්” ව්යුහය ද නිලධාරීන්ගේ පරීක්ෂාවට ලක් විය.
පාලම් අනතුරුදායකයි: වැව මධ්යයේ පිහිටි එල්ලෙන පාලම ද දැඩි ලෙස දිරාපත්ව ඇති බව නිරීක්ෂණය විය.
නාගරික සංවර්ධන නියෝජ්ය අමාත්ය එරංග ගුණසේකර මහතා ඇතුළු නිලධාරීන් පිරිසක් එක් වූ මෙම පරීක්ෂාවෙන් අනතුරුව, මෙම පද්ධති
