කොටවෙහෙර, පලුගොල්ල ප්රදේශයේදී නිවසක තිබූ ජල මෝටරයකින් සිදු වූ විදුලි කාන්දුවීමක් හේතුවෙන් විදුලි සැර වැදී වයෝවෘද්ධ කාන්තාවක අවාසනාවන්ත ලෙස මියගොස් තිබේ.
මෙලෙස විදුලි සැර වැදීමෙන් ඛේදජනක ලෙස මියගොස් ඇත්තේ පලුගොල්ල, ගල්ගමුව ප්රදේශයේ පදිංචිව සිටි වයස අවුරුදු 69ක කාන්තාවකි.නිවසේ ජල මෝටරය ක්රියාත්මක කිරීම සඳහා ඇද තිබූ විදුලි වයරයක හටගත් හදිසි විදුලි කාන්දුවීමක් මෙම අනතුරට සෘජුවම හේතු වී ඇති බව පොලීසිය විසින් සිදුකරන ලද මූලික විමර්ශන කටයුතුවලදී අනාවරණය වී ඇත. සිද්ධිය සම්බන්ධයෙන් කොටවෙහෙර පොලීසිය විසින් වැඩිදුර විමර්ශන කටයුතු සහ නීතිමය පියවර ගැනීම් මේ වන විටත් අඛණ්ඩව සිදුකරනු ලබයි.
