පාකිස්තානයේ දුම්රිය සේවයෙන් විශ්රාම ගිය සේවකයන් 5,578 දෙනෙකුට මෙතෙක් කිසිදු විශ්රාම ප්රතිලාභයක් ගෙවා නොමැති බව එරට ‘සාමා ටීවී’ (Samaa TV) රූපවාහිනී නාලිකාව උපුටා දක්වමින් විදෙස් මාධ්ය වාර්තා කරයි. පාකිස්තාන මුදල් අමාත්යාංශය සහ දුම්රිය දෙපාර්තමේන්තුව අතර දිගුකාලීනව පවතින අරමුදල් අර්බුදයක් හේතුවෙන් මේ වන විට වසර 2023 මාර්තු මාසයෙන් පසුව විශ්රාම ගත් දුම්රිය සේවකයන් වෙනුවෙන් කිසිදු ගෙවීමක් සිදු කිරීමට රජය අපොහොසත් වී තිබේ.
විශ්රාමිකයන් වෙනුවෙන් මෙතෙක් ගෙවීමට ඇති මෙම හිඟ ප්රතිලාභ මුදල සමස්තයක් ලෙස පාකිස්තාන රුපියල් බිලියන 10කට වඩා අධික බව වාර්තා වේ. දුම්රිය අමාත්යාංශය විසින් අදාළ ප්රතිලාභ නිදහස් කරන ලෙස මුදල් අමාත්යාංශයෙන් දිගින් දිගටම ඉල්ලීම් කළ ද, ඒ සඳහා මෙතෙක් අවශ්ය අනුමැතිය සහ ප්රතිපාදන ලැබී නොමැති බව පාකිස්තාන දුම්රිය අමාත්යාංශය සඳහන් කරයි.
මීට අමතරව අග්රාමාත්ය ආධාර පැකේජය යටතේ හිමිවිය යුතු දීමනා ද පවුල් දහස් සංඛ්යාවකට මෙතෙක් ගෙවා නොමැති අතර, සුබසාධන කටයුතුවලට අදාළ තවත් ගෙවීම් රැසක් ද දිගුකාලීනව පැහැර හැර ඇති බව සාමා ටීවී නාලිකාවේ සංඛ්යාලේඛන මඟින් තවදුරටත් අනාවරණය වේ.
