නුවරඑළිය සංචාරක නගරය තුළ පාරිභෝගිකයන් සූරාකමින් අත්යවශ්ය ද්රව්ය නියමිත මිලට වඩා වැඩි මිලට අලෙවි කළ වෙළෙඳුන් දෙදෙනෙකුට නුවරඑළිය මහේස්ත්රාත් අධිකරණය විසින් රුපියල් ලක්ෂ 6ක (රු. 600,000) බරපතළ දඩ මුදලක් නියම කර තිබේ. මෙම දැඩි දණ්ඩනය නියම කර ඇත්තේ පාරිභෝගික කටයුතු පිළිබඳ අධිකාරියේ (CAA) නුවරඑළිය දිස්ත්රික් කාර්යාලයේ නිලධාරීන් කණ්ඩායමක් විසින් ප්රදේශයේ සිදුකරන ලද විශේෂ වැටලීමකින් අනතුරුව අධිකරණයට ඉදිරිපත් කළ නඩු දෙකකට අදාළවයි.
මෙහිදී රජය නියම කර ඇති පාලන මිලට වඩා රුපියල් 30ක් වැඩිපුර තබා මිලිලීටර් 750ක පානීය වතුර බෝතලයක් සංචාරකයන්ට අලෙවි කළ එක් වෙළඳසැලකට පමණක් රුපියල් ලක්ෂ පහක (රු. 500,000) දැවැන්ත දඩයක් නියම කිරීමට මහේස්ත්රාත්වරයා පියවර ගත්තේය. මීට අමතරව රජය විසින් පනවා ඇති උපරිම සිල්ලර මිල (MRP) ඉක්මවා සහල් අලෙවි කළ අනෙක් වෙළෙන්දාට රුපියල් ලක්ෂයක (රු. 100,000) දඩයක් නියම විය. අත්යවශ්ය භාණ්ඩ මිලදී ගැනීමේදී සෑම විටම එහි මුද්රිත උපරිම සිල්ලර මිල පරීක්ෂා කරන ලෙසත්, මිලදී ගන්නා භාණ්ඩ සඳහා අනිවාර්යයෙන්ම බිල්පත් ලබාගන්නා ලෙසත් පාරිභෝගික කටයුතු පිළිබඳ අධිකාරිය මහජනතාවගෙන් ඉල්ලා සිටින අතර, පාලන මිල ඉක්මවා භාණ්ඩ අලෙවි කරන වංචනික වෙළෙඳුන් පිළිබඳව 1977 ක්ෂණික ඇමතුම් අංකය අමතා වහාම දැනුම් දෙන ලෙස ද දන්වා සිටියි.
