ආනයනය කරන ලද ප්රමිතියෙන් තොර ගල් අඟුරු සඳහා “බාල ගල් අඟුරු” යන යෙදුම භාවිත කිරීම නිවැරදි නොවන බව බලශක්ති නියෝජ්ය අමාත්ය අක්රම් ඉල්යාස් මහතා පවසයි. රජයේ ප්රවෘත්ති දෙපාර්තමේන්තුවේ පැවැති මාධ්ය හමුවකදී මාධ්යවේදීන් නැඟූ ප්රශ්නවලට පිළිතුරු දෙමින් ඔහු මේ බව ප්රකාශ කළේය.
නියෝජ්ය අමාත්යවරයා පෙන්වා දෙන්නේ අදාළ ගල් අඟුරුවල පවතින එකම ගැටලුව බලාපොරොත්තු වූ තරම් බලශක්ති නිෂ්පාදනයක් සිදු නොකිරීම (බලශක්ති උත්පාදන ධාරිතාව අඩු වීම) පමණක් බවයි. එහෙත් එම ගල් අඟුරු තොගය කිසිසේත්ම ඉවත දමා නොමැති බවත්, ඒවා දැනටමත් භාවිතයට ගනිමින් පවතින බවත් ඔහු පැවසීය.
මෙම ගල් අඟුරු තොගය වෙනුවෙන් ඩොලර් මිලියන 27ක මුදලක් ගෙවා ඇති අතර, මේවා භාවිත කිරීම නිසා බලාගාරයේ යන්ත්ර සූත්රවලට කිසිදු ආකාරයක හානියක් හෝ අහිතකර බලපෑමක් සිදු නොවන බව ද අක්රම් ඉල්යාස් මහතා වැඩිදුරටත් අවධාරණය කළේය.
