දිවයිනේ ප්රදේශ කිහිපයකට අද (21) දිනයේදීත් විටින් විට වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව නිවේදනය කරයි.
ඒ අනුව බස්නාහිර, සබරගමුව සහ වයඹ පළාත්වලටත්, ගාල්ල, මාතර, මහනුවර සහ නුවරඑළිය දිස්ත්රික්කවලටත් විටින් විට වැසි ඇති වන අතර ඇතැම් ස්ථානවලට මිලිමීටර් 50 ට වැඩි තරමක තද වැසි ඇති විය හැක. මීට අමතරව අනුරාධපුර දිස්ත්රික්කයේ ද වැසි වාර කිහිපයක් ඇති විය හැකි බව වාර්තා වේ.
එසේම, ඌව පළාතේත්, මඩකලපුව සහ අම්පාර දිස්ත්රික්කවලත් ස්ථාන ස්වල්පයක පස්වරු 2.00 න් පමණ පසුව වැසි හෝ ගිගුරුම් සහිත වැසි ඇති විය හැකියි. මධ්යම කඳුකරයේ බටහිර බෑවුම් ප්රදේශවල මෙන්ම උතුරු, උතුරු-මැද, වයඹ සහ දකුණු පළාත්වල පැයට කිලෝමීටර් 30 ත් 40 ත් අතර වේගයකින් විටින් විට තරමක තද සුළං ද බලාපොරොත්තු විය හැක.
ගිගුරුම් සහිත වැසි සමඟ ඇති විය හැකි තාවකාලික තද සුළං සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් කාරුණිකව ඉල්ලා සිටියි.
