ලබන ජූලි මාසයේ පැවැත්වීමට නියමිත වාර්ෂික බස් ගාස්තු සංශෝධනයේදී, අවම බස් ගාස්තුව රුපියල් 40 දක්වා ඉහළ යා හැකි බව ශ්රී ලංකා පෞද්ගලික බස් හිමියන්ගේ සංගමය අනතුරු අඟවයි.
එම සංගමයේ සභාපති ගැමුණු විජේරත්න මහතා පෙන්වා දෙන්නේ, ඇමෙරිකානු ඩොලරයට සාපේක්ෂව ශ්රී ලංකා රුපියල අඛණ්ඩව අවප්රමාණය වීම ප්රවාහන වියදම් ඉහළ යාමට සෘජුවම බලපා ඇති බවයි.
වාර්ෂික බස් ගාස්තු සංශෝධනය තීරණය කිරීමේදී කොළඹ පාරිභෝගික මිල දර්ශකය, ඩොලර් විනිමය අනුපාතිකය, පොලී අනුපාත සහ බස් රථවල මිල ගණන් ඇතුළු ප්රධාන නිර්ණායක 12ක් පදනම් කර ගන්නා බව ඔහු සඳහන් කළේය. පවතින මෙම ආර්ථික තත්ත්වය බස් හිමියන්ට මෙන්ම පොදු ප්රවාහනය භාවිත කරන මගී ජනතාවට ද දැඩි බලපෑමක් එල්ල කර ඇති බව ගැමුණු විජේරත්න මහතා වැඩිදුරටත් කියා සිටියේය.
