දිවයිනේ ප්රදේශ කිහිපයකට බලපා ඇති දැඩි වර්ෂාපතන තත්ත්වය හේතුවෙන් දිස්ත්රික්ක 8ක් සඳහා කාලගුණ විද්යා දෙපාර්තමේන්තුව විසින් රතු නිවේදනයක් නිකුත් කර තිබේ.
මෙම නිවේදනයට අනුව, අදාළ දිස්ත්රික්කවල පහත් බිම්වල වෙසෙන ජනතාව ගංවතුර තත්ත්වයන් සහ නායයෑම් පිළිබඳව දැඩි විමසිල්ලෙන් පසුවන ලෙස ආපදා කළමනාකරණ මධ්යස්ථානය ඉල්ලා සිටියි. ඉදිරි පැය කිහිපය තුළදීත් ඇතැම් ප්රදේශවලට මිලිමීටර් 150 ඉක්ම වූ තද වැසි ඇති විය හැකි බව කාලගුණ විද්යා දෙපාර්තමේන්තුව අනතුරු අඟවයි.
ආපදා තත්ත්වයක් ඇති වුවහොත් වහාම තම ප්රදේශයේ ග්රාම නිලධාරීවරයා හෝ 117 යන හදිසි ඇමතුම් අංකය ඔස්සේ ආපදා කළමනාකරණ මධ්යස්ථානය දැනුවත් කරන ලෙස ජනතාවගෙන් ඉල්ලා සිටී.
