ශ්රී ලංකා රේගු දෙපාර්තමේන්තුව විසින් සිය මැයි මාසයට නියමිත ආදායම් ඉලක්කය මාසය අවසන් වීමටත් පෙර සාර්ථකව සපුරා ගෙන තිබේ. රේගු දෙපාර්තමේන්තුව සදහන් කරන පරිදි මැයි මාසය සඳහා ඔවුන්ට හිමි වූ ආදායම් ඉලක්කය රුපියල් මිලියන 187,801කි.
කෙසේ වෙතත්, මැයි මස ගත වූ දින 25ක කාලය තුළ පමණක් රුපියල් මිලියන 190,947ක ආදායමක් උපයා ගැනීමට රේගු දෙපාර්තමේන්තුව සමත්ව ඇත. නියමිත කාල සීමාවට පෙර මෙලෙස මාසික ඉලක්කය ඉක්මවා යාම, රේගු ආදායම් කළමනාකරණ ක්රියාවලියේ පවතින සක්රීයත්වය සහ කාර්යක්ෂමතාව පිළිබඳව මනාව කියාපාන යහපත් සංඥාවක් ලෙස සැලකිය හැකිය.
