ලැබී ඇති දීර්ඝ සති අන්ත නිවාඩුවත් සමඟ රිය අනතුරු සහ දියේ ගිලීම් වැනි අනතුරුදායක තත්ත්වයන් ඉහළ යා හැකි බවට සෞඛ්ය අංශ පුරෝකථනය කර ඇත. මේ පිළිබඳව දැඩි අවධානයෙන් සහ වගකීමෙන් කටයුතු කරන ලෙස සෞඛ්ය අමාත්යාංශයේ බෝ නොවන රෝග අංශයේ අංශ ප්රධානී, ප්රජා වෛද්ය විශේෂඥ සමිත සිරිතුංග මහතා ජනතාවගෙන් ඉල්ලා සිටී.
විශේෂඥ වෛද්යවරයා පෙන්වා දෙන පරිදි, නිවාඩු කාල සීමාවන් තුළ විනෝද චාරිකා සහ ගමන් බිමන් සඳහා වැඩි පිරිසක් එක්වීම හේතුවෙන් අනතුරු සිදුවීමේ සම්භාවිතාව ඉහළ යයි. එබැවින් විශේෂයෙන්ම මාර්ග නීති අකුරටම පිළිපැදීම සහ ජලජ ක්රියාකාරකම්වල නිරත වීමේදී උපරිම ආරක්ෂිත පියවර අනුගමනය කිරීම අත්යවශ්ය වේ.
සෞඛ්ය අංශ විසින් නිකුත් කර ඇති මෙම දැනුම්දීම මගින් අවධාරණය කරන්නේ තමන්ගේ සහ අන් අයගේ ජීවිත ආරක්ෂාව වෙනුවෙන් මෙම කාල සීමාව තුළ වඩාත් ප්රවේශම් සහගත ලෙස කටයුතු කරන ලෙසයි.
