ජූනි මාසයට අදාළ ගෑස් මිල සංශෝධනය හෙට (04) දිනයේදී ප්රකාශයට පත් කරන බව ලිට්රෝ සමාගම පවසයි. ඒ අනුව, එම මිල සංශෝධනය ජූනි මස 05 වන දින සිට ක්රියාත්මක කිරීමට නියමිත බව සමාගමේ ප්රකාශකයෙකු සඳහන් කළේය.
මෙම මාසික ගෑස් මිල සංශෝධනයට අදාළ වාර්තා මේ වන විට මුදල් අමාත්යාංශය වෙත යොමු කර ඇති අතර, එහි අවසන් වාර්තාව අනිද්දා දිනයේදී ලැබීමට නියමිතව ඇත. ලෝක වෙළඳපොලේ පවතින ගෑස් මිල ගණන්වලට සාපේක්ෂව මෙවර මිල සංශෝධනය සිදු කිරීමට සැලසුම් කර ඇති බවද ලිට්රෝ සමාගම වැඩිදුරටත් කියා සිටී. කෙසේ වුවත්, පසුගිය මාසයේදී ලිට්රෝ ගෑස් මිල සංශෝධනය නොකිරීමට එම සමාගම පියවර ගෙන තිබුණි.
