ආර්ථිකය ස්ථාවර කිරීමේ නාමයෙන් මහ බැංකු අධිපතිවරයා විසින් හිතුවක්කාර ලෙස ගනු ලබන තීරණ හේතුවෙන් රටේ ආර්ථික අර්බුදය තවදුරටත් වර්ධනය වී ඇති බව ජාතික සංවිධාන එකමුතුව පෙන්වා දෙයි. එම සංවිධානයේ ලේකම් වෛද්ය වසන්ත බණ්ඩාර මහතා මාධ්ය වෙත අදහස් දක්වමින් මේ බව පැවසීය. වර්තමාන උද්ධමනය, රුපියල අවප්රමාණය වීම සහ ඉන්ධන පිරිවැය ඉහළ යාම නිසා භාණ්ඩ මිල ඉහළ යාම සිදුවන බවත්, එය මුදල් සැපයුම නිසා සිදුවන දෙයක් නොවන බවත් හෙතෙම අවධාරණය කළේය.
ප්රතිපත්තිමය පොලී අනුපාත ඉහළ දැමීම ආර්ථිකයට බරපතළ අගතියක් සිදුකරන බවත්, 2022 වසරේදී ට්රිලියන 5.2ක්ව පැවති රටේ පුද්ගලික ණය තොගය 2026 වසර වන විට ට්රිලියන 11.9ක් දක්වා දෙගුණයකට වඩා වැඩි වී ඇති බවත් වෛද්ය බණ්ඩාර මහතා පෙන්වා දුන්නේය. මෙවැනි තත්ත්වයක් තුළ ණය පොලී අනුපාත ඉහළ යාම නිසා නව ණය ගැනීම් සීමා වීම සහ ආර්ථික ක්රියාකාරකම් අඩපණ වීම සිදුවන බව ඔහු පැවසීය.
තවද, ණය ආපසු ගෙවීමට නොහැකි වීම හේතුවෙන් බැංකු පද්ධතිය සහ ණය ගැතියන් යන දෙපාර්ශ්වයම අසීරුතාවයට පත්ව ඇති බවත්, ඇපයට තබා ඇති දේපල බැංකු විසින් අත්පත් කර ගැනීම තුළින් නිෂ්පාදන ක්රියාවලිය බිඳ වැටෙන බවත් ඔහු සඳහන් කළේය. රන් ණය අත්තිකාරම් මුදල් පහළ දැමීම සහ සීමා පැනවීම මගින් හදිසි අවශ්යතාවලට ණය ලබාගන්නා ජනතාවට අසාධාරණයක් සිදුවන බවත්, අවසානයේ එම දේපල අඩු මිලට සින්න වීමේ අවදානමක් පවතින බවත් වෛද්ය වසන්ත බණ්ඩාර මහතා වැඩිදුරටත් අවධාරණය කළේය.
