2019 වසරේ ක්රියාත්මක කරන ලද රුපියල් මිලියන 16.5ක ව්යාපෘතියක සිදුවූ අක්රමිකතා සම්බන්ධයෙන්, දකුණු පළාත් හිටපු මහ ඇමති ශාන් විජයලාල් ද සිල්වා මහතාගේ හිටපු පෞද්ගලික ලේකම්වරයෙකු අල්ලස් හෝ දූෂණ චෝදනා විමර්ශන කොමිෂන් සභාව (CIABOC) විසින් අත්අඩංගුවට ගෙන ඇත.
අත්අඩංගුවට ගත් සැකකරු වච්චි හෙන්නදිගේ දයාපාල නැමැත්තා වන අතර, ඔහුව කොමිෂන් සභාවේ විමර්ශකයන් විසින් ජූනි 15 වන දින පෙරවරු 11.00ට පමණ අත්අඩංගුවට ගෙන තිබේ.
මෙම අත්අඩංගුවට ගැනීම සිදු කර ඇත්තේ දකුණු පළාත් සංවර්ධන අධිකාරිය මගින් ක්රියාත්මක කළ පළාත් සභා මන්ත්රීවරුන්ගේ ව්යාපෘතියක් හරහා රජයට මූල්ය අලාභයක් සිදු කිරීමේ දූෂණ චෝදනා සම්බන්ධයෙනි. විමර්ශනවලට අනුව, නියමිත ප්රසම්පාදන ක්රියාවලියෙන් පිටත නිෂ්පාදන සමාගමක් තෝරාගෙන එම සමාගමට අයුතු වාසියක් ලබා දී ඇති බවට චෝදනා එල්ල වී ඇත.
දකුණු පළාතේ පොදු ස්වේච්ඡා සංගම් සඳහා ලබා දීමට ගත් පුටු 16,361ක්, නියමිත ප්රතිලාභීන්ට ලබා දීම වෙනුවට දකුණු පළාතේ දිස්ත්රික්ක තුනෙහි සිටින පළාත් සභා මන්ත්රීවරුන් 54 දෙනෙකුගේ නිවෙස්වලට සහ කාර්යාලවලට ප්රවාහනය කර බෙදා දී ඇති බවට අනාවරණය වී ඇත.
මෙම ක්රියාකාරකම් හේතුවෙන් රජයට මූල්ය අලාභයක් සිදුවී ඇති බව අල්ලස් හෝ දූෂණ කොමිෂන් සභාව පවසයි. සැකකරු කොළඹ ප්රධාන මහේස්ත්රාත් අධිකරණයට ඉදිරිපත් කිරීමට නියමිතය.
