ICC කාන්තා ක්රිකට් ලෝක කුසලාන තරගාවලියේ ආරම්භක අවස්ථාවේදී ශ්රී ලංකා ජාතික ගීය ඉතා හැඟීම්බර ලෙස ගායනා කළ රෝෂානි ඇබේ පිළිබඳව මේ වන විට ශ්රී ලාංකිකයන් අතර දැඩි කතාබහක් නිර්මාණය වී තිබේ. ඇය සාමාන්ය ගායිකාවකට එහා ගිය, ජාත්යන්තර වේදිකාවල දස්කම් දක්වන රංගන ශිල්පිනියක්, ගායන ගුරුවරියක්, ගණිතවේදිනියක් සහ දත්ත විද්යාඥවරියක් ලෙස බහුකාර්ය දක්ෂතා විදහා දක්වන චරිතයකි.
ලන්ඩනයේ ප්රසිද්ධ වෙස්ට් එන්ඩ් රංග භූමියේ ජනප්රිය “හැමිල්ටන්” සංගීත නාට්යයේ ‘එලයිසා හැමිල්ටන්’ ලෙස රංගනයෙන් දායක වෙමින් ඇය විශාල ප්රේක්ෂක ආකර්ෂණයක් දිනා ගැනීමට සමත් වූවාය. එසේම, 2023 වසරේදී බ්රිතාන්යයේ වෙස්ට්මිනිස්ටර් ඇබේහි පැවති පොදුරාජ්ය මණ්ඩලීය දින උත්සවයේදී තුන්වන චාල්ස් රජු ඇතුළු රාජකීය පවුලේ සාමාජිකයන් ඉදිරියේ “අනාගතයේ” ගීතය ගායනා කිරීමේ ගෞරවයද ඇයට හිමි විය.
සංගීතයට අමතරව ඇයගේ අධ්යාපනික පසුබිමද සුවිශේෂී වේ. ලන්ඩනයේ ඉම්පීරියල් කොලේජ් වෙතින් ගණිතය පිළිබඳ උසස් උපාධියක් ලබා ඇති ඇය, දැනට දත්ත විද්යාඥවරියක් ලෙසද සේවය කරයි. විදේශයක ජීවත් වුවද, ශ්රී ලංකාවේ තරුණ කලාකරුවන් සඳහා පුහුණු වැඩමුළු පැවැත්වීමට නිරන්තරයෙන්ම ශ්රී ලංකාවට පැමිණෙන රෝෂානි ඇබේ, ලෝක මට්ටමේ වේදිකාවල ශ්රී ලංකාවේ නාමය බැබළවීමට කැපවී සිටින තරුණ පරපුරට ආදර්ශමත් චරිතයකි.
