කොළඹ දිස්ත්රික් සම්බන්ධීකරණ කමිටුවට සම්බන්ධිත දිස්ත්රික් කසළ කළමනාකරණ අනු කමිටුව අග්රාමාත්ය ආචාර්ය හරිනි අමරසූරිය මහත්මියගේ ප්රධානත්වයෙන් ඊයේ (22) පාර්ලිමේන්තුවේදී රැස්විය.
බස්නාහිර පළාතේ නාගරීකරණ ඝන අපද්රව්ය බැහැර කිරීමේ පහසුකම්, පැන නැගී ඇති ගැටලු සඳහා ගෙන ඇති වර්තමාන පියවර සහ ඉදිරි සැලසුම් මෙහිදී පුළුල් ලෙස සාකච්ඡාවට ලක් කෙරිණි. ජනතාව අතර කොම්පෝස්ට් බඳුන්වල විධිමත් භාවිතය ඇති කිරීම පිළිබඳවද විශේෂ අවධානයක් යොමු වූ අතර, කසළ කළමනාකරණ ප්රතිපත්ති නිසි ලෙස ක්රියාත්මක කිරීමේ වැඩපිළිවෙළක් සකස් කරන ලෙසත්, කුණු කසළ නිසි ලෙස බැහැර කිරීමේ පුරවැසි වගකීම පිළිබඳ ජනතාව දැනුවත් කිරීමට කටයුතු කළ යුතු බවත් අග්රාමාත්යතුමිය මෙහිදී අවධාරණය කළාය.
මෙම අවස්ථාවට නාගරික සංවර්ධන නියෝජ්ය අමාත්ය එරංග ගුණසේකර, කොළඹ දිස්ත්රික් සංවර්ධන කමිටු සභාපති පාර්ලිමේන්තු මන්ත්රී ලක්ෂ්මන් නිපුණාරච්චි ඇතුළු අමාත්යාංශ සහ රාජ්ය ආයතනවල නිලධාරීහු පිරිසක් සහභාගී වූහ.
