සයිබර් තර්ජනවලට එරෙහිව ස්වයංක්රීයව සහ වේගවත්ව ප්රතිචාර දැක්වීම සඳහා විවෘත නිර්මාණ ශිල්පයක් සහ Agentic AI තාක්ෂණය භාවිතයෙන් සකස් කරන ලද Sophos Fusion නම් නවීනතම සයිබර් ආරක්ෂක වේදිකාව Sophos සමාගම විසින් පසුගියදා නිල වශයෙන් හඳුන්වා දෙන ලදී. සියලුම පාලන ලක්ෂ්ය, දත්ත සහ විශ්ලේෂකයින් එකම සැලසුමක් යටතේ ඒකාබද්ධ කරන මෙම නව පද්ධතිය මඟින් වෙන් වෙන්ව ක්රියාත්මක වන මෙවලම් භාවිත කරන සාමාන්ය ව්යවසායන්ට ඉහළ කාර්යක්ෂමතාවක් අත්කර දෙමින් පිරිවැය අවම කර ගැනීමට අවස්ථාව සලසා දී තිබේ.
මෙම නව ආරක්ෂක වේදිකාව එක් පොදු සන්නිවේදන දත්ත ගබඩාවක්, සමමුහුර්ත කළ ආරක්ෂාව, මානව පාලනය සහිත ස්වයංක්රීය ක්රියාකාරීත්වය සහ සමුච්චිත බුද්ධිය වැනි ප්රධාන අංගයන්ගෙන් සමන්විත වේ. ලොව පුරා සංවිධාන 625,000ක විශ්වාසය දිනා ඇති Sophos Central හි පරිණාමයක් ලෙස ඉදිරිපත් කර ඇති මෙම පද්ධතිය, 2025 වසරේදී Secure works සමාගම අත්පත් කර ගැනීමෙන් පසු එහි Taegis විශ්ලේෂණ පද්ධතිය ද ඇතුළත් කරමින් තනි විවෘත සැලසුමක් මත නැවත ගොඩනඟා ඇත. ලොව පුරා පාරිභෝගිකයින් 40,000කට අධික සංඛ්යාවක් වෙනුවෙන් ක්රියාත්මක වන විශාලම Agentic SOC පද්ධතිය ලෙස සැලකෙන මෙය, ගැටලුවලින් සියයට 52ක් සම්පූර්ණයෙන්ම AI මඟින් විසඳන අතර අනතුරු ඇඟවීමක සිට සම්පූර්ණ ස්වයංක්රීය ප්රතිචාරයක් දැක්වීමට ගතවන්නේ සාමාන්යයෙන් තත්පර 89ක කාලයකි.
අගෝස්තු සිට ඔක්තෝබර් දක්වා කාලය තුළ පුළුල් කිරීමට නියමිත මෙම පද්ධතිය මඟින් endpoint, network සහ ජාලගත ආරක්ෂණ පද්ධති එකම වේදිකාවකට ඒකාබද්ධ කරනු ලබයි. මීළඟ පරම්පරාවේ SIEM AI ආරක්ෂණ මෙවලම්, ඔන්ලයින් ක්රීඩා උපදේශන සේවා මෙන්ම වඩාත් වැඩිදියුණු කළ MDR සහ IDR කාර්ය සාධනයන්ගෙන් සමන්විත මෙම නවීන තාක්ෂණය හරහා දියුණු සයිබර් තර්ජනවලින් ආරක්ෂා වීම සඳහා අවශ්ය පරිසරය තවදුරටත් ශක්තිමත් කර ඇත.
