පල්ලේකැලේ ජාත්යන්තර ක්රීඩාංගණයේ පැවති ලංකා ප්රිමියර් ලීග් (LPL) 16 වැනි තරගයෙන් ගෝල් ගැලන්ට්ස් කණ්ඩායමට එරෙහිව කඩුලු 6ක ජයක් ලබා ගැනීමට කැන්ඩි රෝයල්ස් කණ්ඩායම සමත් විය.
පළමුව පන්දුවට පහර දුන් ගෝල් ගැලන්ට්ස් කණ්ඩායම පන්දුවාර 20 අවසානයේ කඩුලු 3කට ලකුණු 208ක් ලබාගත් අතර, සෑම් හාෆර් ලකුණු 72ක් සහ චරිත් අසලංක නොදැවී ලකුණු 70ක් ලබා ගත්හ. පිළිතුරු ඉනිම ක්රීඩා කළ කැන්ඩි රෝයල්ස් කණ්ඩායම පන්දු 7ක් ඉතිරිව තිබියදී කඩුලු 4ක් දැවී ලකුණු 214ක් ලබා ගනිමින් ජයග්රහණය වාර්තා කළේය.
මෙම තරගයේදී කැන්ඩි රෝයල්ස් කණ්ඩායමේ ආරම්භක පිතිකරු ළහිරු උදාර පන්දු 54කින් නොදැවී ලකුණු 132ක් (හතරේ පහර 15 සහ හයේ පහර 7ක් සමඟින්) රැස් කළේය. එය LPL ඉතිහාසයේ ඉහළම පුද්ගලික ලකුණු සංඛ්යාව මෙන්ම, ඉලක්කය හඹා යමින් ශතකයක් ලබාගත් පළමු අවස්ථාව සහ 2026 LPL තරගාවලියේ වාර්තා වූ පළමු ශතකය ද වේ.
