සාම්ප්රදායික චොකලට් නිෂ්පාදන රටාවන් අභියෝගයට ලක් කරමින් Zellers ආයතනය විසින් ශ්රී ලංකාවේ ප්රථම වතාවට සුදු චොකලට් මධ්යස්ථානයෙන් පිරවූ නවතම චොකලට් පෙළ වෙළඳපොළට හඳුන්වා දී තිබේ. ක්රීමි සුදු චොකලට්, තෘප්තිමත් මධ්යස්ථාන පිරවුම් සහ එකිනෙකට වෙනස් වයනයන්හි අපූර්ව සංකලනයක් ලෙස එළිදැක්වා ඇති මෙම නිෂ්පාදන පෙළ, ගෝලීය වශයෙන් ජනප්රිය අතුරුපස සංකල්ප දේශීය වෙළඳපොළට ගෙන ඒමේ තවත් සුවිශේෂී සන්ධිස්ථානයක් සනිටුහන් කරයි. වෙළඳපොළ තුළ පවතින දැඩි තරගකාරීත්වය මැද දේශීය පාරිභෝගික රුචිකත්වයට නව මානයක් එකතු කරමින් මෙම හඳුන්වාදීම සිදු කර තිබේ.
මෙම නව නිෂ්පාදන පෙළ යටතේ රතු වෙල්වට් කුකී ක්රීම් (Red Velvet Cookie Cream) සහ බ්ලූබෙරි චීස්කේක් (Blueberry Cheesecake) යන අතුරුපස ආභාෂය ලත් ප්රභේද දෙකක් හඳුන්වා දී ඇති අතර, ඒවායේ දෘශ්යමය ආකර්ෂණය සහ අනපේක්ෂිත රසය පාරිභෝගිකයින් අතර ක්ෂණික ජනප්රියත්වයක් දිනා ගැනීමට සමත්ව ඇත. ගෝලීය ප්රවණතා සමඟ සැසඳිය හැකි අයුරින් දේශීයව මෙවැනි නිර්මාණ බිහිවීම මඟින් මෙරට රසකැවිලි හා චොකලට් කර්මාන්තයේ ගුණාත්මක මට්ටම සහ නවෝත්පාදන ධාරිතාව ඉහළ ගොස් ඇති බව පැහැදිලි වේ. තරුණ පාරිභෝගිකයින්ගේ සහ වෙනස්වන රස ප්රවණතා සොයන්නන්ගේ අපේක්ෂාවන් සපුරාලීමට මෙමඟින් මනා අවස්ථාවක් උදා වී තිබේ.
ඉදිරියේදී මෙවැනි දේශීය නවෝත්පාදන හරහා ශ්රී ලංකාවේ පාරිභෝගික වෙළඳපොළ තුළ ජාත්යන්තර ප්රමිතියෙන් යුත් නිෂ්පාදන බිහිවීමේ ප්රවණතාව තවදුරටත් වර්ධනය වනු ඇතැයි අපේක්ෂා කෙරේ. සාම්ප්රදායික රාමු අභිබවා යමින් නව නිෂ්පාදන අත්දැකීම් පාරිභෝගිකයා වෙත සමීප කිරීමට අනෙකුත් ව්යාපාරික ආයතන ද මෙමඟින් පෙළඹෙනු ඇති අතර, එය සමස්ත සිල්ලර වෙළඳ සහ ආහාර සැකසුම් අංශයේ ආර්ථික වර්ධනයට මෙන්ම වෙළඳපොළ තරගකාරීත්වයට ධනාත්මක බලපෑමක් එල්ල කරනු ඇත.
