රටේ ආර්ථිකයට රුපියල් බිලියන සිය ගණනක් අහිමි කළ ගල්අඟුරු මගඩිය හේතුවෙන් මේ වන විට නොරොච්චෝලේ ලක්විජය බලාගාරය පවත්වාගෙන යාමට ප්රමාණවත් ගල්අඟුරු නොමැති වී ඇති බව ශ්රී ලංකා හරිත සංධානයේ සභාපති මෙන්ම සමගි ජන බලවේගයේ දිවුලපිටිය ආසන සංගීතවේදී (සම සංවිධායක) සංඛ චන්දිම අබේවර්ධන මහතා ප්රකාශ කර තිබේ.
ಅಲ್ಲස් හෝ දූෂණ චෝදනා විමර්ශන කොමිසම හමුවට පැමිණි අවස්ථාවේදී මාධ්ය වෙත අදහස් දක්වමින් ඒ මහතා මේ බව සඳහන් කළේය. එහිදී වැඩිදුරටත් අදහස් දැක්වූ ඒ මහතා පෙන්වා දුන්නේ මෙට්රික් ටොන් 120,000ක ගල්අඟුරු තොගයක් නොමැති වීම නිසා බලාගාරයේ ටර්බයින් ක්රියාකාරීත්වය අඩාල වී ඇති බවයි.
පසුගිය කාලය පුරාම මේ සම්බන්ධයෙන් අල්ලස් කොමිසමට මෙන්ම ජනාධිපති කොමිසමට සහ අධිකරණයට කරුණු ඉදිරිපත් කළද, රජයේ බලශක්ති මංකොල්ලය නැවැත්වීමට නොහැකි වී ඇති බව හෙතෙම කියා සිටියේය. ජලවිදුලි බලාගාර සංචිත ද හිඳී යමින් පවතින මෙම පසුබිම තුළ, ඉදිරියේදී මතුවිය හැකි නියං තත්ත්වයක් සමඟ ජනතාවට බීමට වතුර සහ භාවිතයට විදුලිය පවා අහිමි වන බරපතළ තත්ත්වයක් උද්ගත විය හැකි බවද අබේවර්ධන මහතා වැඩිදුරටත් අවධාරණය කළේය.
