කොළඹ 07, බාන්ස් පෙදෙසේ පිහිටි වටිනා ඉඩමක් ව්යාජ ලේඛන සකස් කර විකිණීමේ සිද්ධියක් සම්බන්ධයෙන් ප්රකට මෝටර් රථ ධාවන ශූර ඩිලන්ත මාලගමුව ඇතුළු පුද්ගලයන් සිව් දෙනෙකුට විදේශ ගමන් තහනම් ලබාදෙන ලෙස අපරාධ පරීක්ෂණ දෙපාර්තමේන්තුව කළ ඉල්ලීම කොළඹ අතිරේක මහේස්ත්රාත්වරයා විසින් ප්රතික්ෂේප කර තිබේ. ඩිලන්ත මාලගමුවට අමතරව ශාන්ත විතාන ගමගේ, දේවමුණි අමරසිංහ සහ සමන් ජයවීර යන පුද්ගලයන්ට එරෙහිව මෙම විදෙස් ගමන් තහනම ඉල්ලා තිබුණි.
අදාළ ඉඩම ව්යාජ ලෙස පවරාගෙන විකිණීම සඳහා කුමන්ත්රණය කිරීම සහ ඒ හරහා ලැබුණු මුදල් අවභාවිත කිරීම සම්බන්ධයෙන් විමර්ශන ක්රියාත්මක වන බව අපරාධ පරීක්ෂණ දෙපාර්තමේන්තුව අධිකරණයට දැනුම් දී ඇති අතර, සැකකරුවන් විමර්ශන මගහැර විදේශගත වීමේ අවදානමක් පවතින බැවින් ඔවුන්ගේ ගමන් බලපත්ර තහනම් කරන ලෙස පොලිසිය ඉල්ලා සිටියේය. මෙම මූල්ය වංචාවට අදාළව තවත් පුද්ගලයන් කිහිපදෙනෙකුගෙන් ප්රකාශ ලබා ගැනීමට නියමිත බවත්, සිද්ධිය සම්බන්ධයෙන් පුළුල් විමර්ශනයක් අඛණ්ඩව සිදු කරන බවත් පොලිසිය වැඩිදුරටත් ප්රකාශ කළ අතර, ඉදිරිපත් වූ කරුණු සලකා බැලූ මහේස්ත්රාත්වරයා පළමුව අදාළ පුද්ගලයන් සැකකරුවන් ලෙස නම් කරන ලෙස දන්වා ඇත.
