කාසල්රි සහ මාවුස්සාකැලේ යන ප්රධාන ජල පෝෂක ප්රදේශ වෙත හදිසියේ පතිත වූ ගිගුරුම් සහිත තද වැසි හේතුවෙන් එම ජලාශවල ජල මට්ටම්වල යම් වර්ධනයක් පෙන්නුම් කරන බව ජලාශ භාර ඉංජිනේරුවෝ පවසති.
පවතින වැසි තත්ත්වයත් සමඟ කාසල්රි ජලාශයට මිලිමීටර් 9ක සහ මාවුස්සාකැලේ ජලාශයට මිලිමීටර් 15.7ක වර්ෂාපතනයක් ලැබී ඇති අතර, ඒ අනුව කාසල්රි ජලාශයේ ජලය පිටාර මට්ටමට වඩා අඩි 9.11ක් පහළින්ද මාවුස්සාකැලේ ජලාශය අඩි 26.10ක් පහළින්ද පවතින බව වාර්තා වේ.
මධ්යම කඳුකරයේ ජල පෝෂක ප්රදේශවලට ලැබෙන මෙම වර්ෂාපතනය ඉදිරි ජල විදුලි උත්පාදන කටයුතු මෙන්ම ජල සම්පාදන ක්රියාවලිය ස්ථාවර කර ගැනීමට මහත් රුකුලක් වන අතර, ඉදිරි කාලගුණ විපර්යාස හමුවේ ජලාශවල ජල කළමනාකරණය විධිමත්ව පවත්වාගෙන යාමට මෙමඟින් නව අවකාශයක් සැලසී ඇත.
