කිසිදු තරාතිරමකට හෝ බාහිර බලපෑමකට යටත් නොවී නීතියේ ආධිපත්යය අකුරටම සුරක්ෂිත කරමින් දූෂිතයන්ට සහ අපරාධකරුවන්ට එරෙහිව දැඩි ක්රියාමාර්ග ගැනීමට රජය පියවර ගෙන ඇතැයි අග්රාමාත්ය ආචාර්ය හරිනි අමරසූරිය අවධාරණය කරයි.
ජාත්යන්තර ප්රජාතන්ත්රවාදී දින සැමරුම වෙනුවෙන් මැතිවරණ කොමිෂන් සභාව විසින් සංවිධානය කරන ලද විශේෂ උත්සවයක් අමතමින් ඇය මේ බව සඳහන් කළ අතර, පසුගිය කාලය තුළ පිරිහීමට ලක්ව තිබූ නීතිය පිළිබඳ මහජන විශ්වාසය යළි ගොඩනැගීම සඳහා පොලිසියට, අපරාධ පරීක්ෂණ දෙපාර්තමේන්තුවට සහ සමස්ත අධිකරණ පද්ධතියටම පූර්ණ ස්වාධීනත්වය ලබා දී ඇති බව පෙන්වා දුන්නාය.
මහජන මුදල් අවභාවිත කළ සහ දූෂණවල නිරත වූවන්ට එරෙහිව කිසිදු පක්ෂපාතීත්වයකින් තොරව නීතිය ක්රියාත්මක කිරීමේ ක්රියාවලිය කුමන බාධා මැද වුවද ඉදිරියට ගෙන යන බව ප්රකාශ කළ අග්රාමාත්යවරිය, නව දූෂණ විරෝධී පනත ප්රායෝගිකව ක්රියාත්මක කරමින් රට තුළ සැබෑ ප්රජාතන්ත්රවාදයක් ස්ථාපිත කිරීමට රජය කැපවී සිටින බවත් තවදුරටත් කියා සිටියාය.
