FIFA සභාපති Gianni Infantino විසින් FIFA හි තීරණ ගැනීමේ ක්රියාවලිය පිළිබඳ ස්වාධීන සමාලෝචනයක් සහ පාපන්දු ක්ෂේත්රයේ පාර්ශ්වකරුවන් සමඟ සාකච්ඡා කිරීමට යෝජනා කර තිබේ. මෙම යෝජනාව FIFA සාමාජික සංගම් 211 වෙත යොමු කළ ලිපියක් මගින් ඉදිරිපත් කර ඇති බව Reuters වාර්තා කරයි.
කෙසේ වෙතත්, ජර්මානු පාපන්දු සංගමයේ සභාපති Bernd Neuendorf පවසන්නේ මෙම ලිපිය Infantino ලබන වසරේ FIFA සභාපති ධුරය සඳහා නැවත තේරී පත්වීම අරමුණු කරගත් පියවරක් බවයි. ඔහු Infantinoට ප්රතිසංස්කරණ ක්රියාවලිය මෙහෙයවීමට අවශ්ය විශ්වාසනීයත්වය නොමැති බවද ප්රකාශ කර තිබේ.
මෙම තත්ත්වය ඇතිවී ඇත්තේ FIFA තරගවල වාණිජ අයිතිවාසිකම්වල කොටසක් පෞද්ගලික ආයෝජකයන්ට ලබාදීමට Infantino ඉදිරිපත් කළ සැලසුමට දැඩි විරෝධයක් එල්ල වීමෙන් පසුවය. එම සැලසුම ජූලි මාසයේදී ඉවත් කර තිබූ අතර, FIFA පාලනය සහ නායකත්වය සම්බන්ධයෙන්ද විවිධ පාපන්දු ආයතනවලින් විවේචන එල්ල වී තිබේ.
