ශාසනික ඉතිහාසයේ අතිශය වැදගත් සිදුවීම් රැසකට මුල් වූ බිනර පසළොස්වක පොහෝ දිනය අදට (26) යෙදී තිබේ.
මහා ප්රජාපතී ගෝතමී දේවිය ඇතුළු කුල කාන්තාවන් පන්සිය දෙනෙකු පැවිදිභාවයට පත්වීමත් සමඟ භික්ෂුණී ශාසනය ආරම්භ වූයේ බිනර පසළොස්වක පොහෝ දිනයක බව ශාසනික ඉතිහාසයේ සඳහන් වේ.
කාන්තාවන්ට පැවිදිභාවය ලබාදීම සම්බන්ධයෙන් මහා ප්රජාපතී ගෝතමී දේවිය ඇතුළු පිරිස කළ ඉල්ලීම සහ අනතුරුව ආනන්ද හිමියන්ගේ මැදිහත්වීමෙන් එම අවස්ථාව උදා වූ ආකාරය බෞද්ධ ඉතිහාසයේ සඳහන් වේ. එහිදී භික්ෂුණීන් විසින් පිළිපැදිය යුතු අෂ්ට ගරු ධර්මද පනවා තිබේ.
බිනර පොහෝ දිනය නිමිත්තෙන් දිවයින පුරා බෞද්ධ ජනතාව ආගමික වතාවත්වල නිරත වෙමින් සිත නිවාගෙන කරුණාව, මෛත්රිය සහ යහපත් සිතුවිලි වර්ධනය කරගැනීමට කටයුතු කරති.
මෙවැනි පූජනීය දිනයකදී ජීවිතයේ වටිනාකම සිහිපත් කරමින් **සියදිවි නසා ගැනීම වෙනුවට ජීවිතය තෝරාගැනීමටත්, අසීරු අවස්ථාවක සිටින අයෙකු තනි නොකර ඔහුට හෝ ඇයට සහය වීමටත්** අවධානය යොමු කිරීම වැදගත් පණිවිඩයකි.
අපහසුතාවකට පත්ව සිටින අයෙකු සිටී නම් ඔහු හෝ ඇය සමඟ කතා කිරීම, විශ්වාසවන්ත පුද්ගලයෙකුගේ සහාය ලබාගැනීම සහ අවශ්ය අවස්ථාවක වෛද්ය හෝ වෘත්තීය උපකාර ලබාගැනීම ජීවිතයක් ආරක්ෂා කරගැනීමට වැදගත් පියවරක් විය හැකිය.
