අමෙරිකානු ජනාධිපති ඩොනල්ඩ් ට්රම්ප් කොංග්රසය විසින් අනුමත කර තිබූ ඩොලර් මිලියන 800කට අධික රාජ්ය වියදම් රඳවා තබා ගැනීමට පියවර ගෙන තිබේ. ඊයේ (25) ගත් මෙම පියවරට ආගමන, අධ්යාපන සහ අනෙකුත් වැඩසටහන් සඳහා වෙන් කළ මුදල් ඇතුළත් බව රොයිටර්ස් පුවත් සේවය වාර්තා කරයි.
සරණාගතයින් සඳහා ආධාර, සංක්රමණික සිසුන් සඳහා අධ්යාපන වැඩසටහන් සහ වාර්ගික සුළුතර ව්යාපාර සංවර්ධනය ඇතුළු වැඩසටහන් කිහිපයකට අදාළ අරමුදල් මෙලෙස රඳවා තබා ගැනීමට පියවර ගෙන ඇත. ධවල මන්දිරය සඳහන් කර ඇත්තේ අමෙරිකානු ජනතාවට ප්රතිලාභ නොලැබෙන නාස්තිකාර සහ හානිකර රාජ්ය වියදම් කපා හැරීම මෙහි අරමුණ බවයි.
මෙම පියවර සඳහා කොංග්රසයේ අනුමැතියකින් තොරව අරමුදල් අවලංගු කිරීමට ඉඩ සලසන “pocket rescission” ලෙස හැඳින්වෙන ක්රමයක් භාවිත කර ඇති බව වාර්තා වේ. එම ක්රියාමාර්ගය සම්බන්ධයෙන් කොංග්රසයේ ඇතැම් සාමාජිකයන් විරෝධය පළ කර ඇති අතර, කොංග්රසයට හිමි වියදම් පාලන බලයට එය බලපාන බව ඔවුන් පෙන්වාදී තිබේ.
