චීන ක්රියාකාරකම් ඉහළ යාමට ප්රතිචාර දක්වමින් ප්රටාස් දූපත් සමූහය ආශ්රිත මුහුදු ප්රදේශයේ නාවික මුර සංචාර සහ නීතිය ක්රියාත්මක කිරීමේ හැකියාව තවදුරටත් ශක්තිමත් කිරීමට තායිවානය පියවර ගෙන තිබේ. තායිවාන වෙරළාරක්ෂක බළකාය නිවේදනයක් නිකුත් කරමින් සඳහන් කර ඇත්තේ එම මුහුදු සීමාවේ සමස්ත මුර සංචාර හැකියාව ශක්තිමත් කර ඇති බවයි.
ඒ යටතේ විශාල නෞකා නිරන්තරයෙන් ප්රටාස් දූපත් ආශ්රිත මුහුදු ප්රදේශයට යෙදවීමට පියවර ගෙන ඇති බව තායිවාන පුවත් උපුටා දක්වමින් විදෙස් මාධ්ය වාර්තා කරයි. දකුණු තායිවානය සහ හොංකොං අතර පිහිටි ප්රටාස් දූපත් තායිවානය යටතේ පාලනය වන අතර, තායිවාන ප්රධාන භූමියේ සිට කිලෝමීටර් 400කට වැඩි දුරකින් පිහිටා තිබේ.
චීනය තායිවානය තම භූමියේ කොටසක් ලෙස හිමිකම් කියන අතර, තායිවාන රජය එම ස්ථාවරය ප්රතික්ෂේප කරයි. පසුගිය වසර පහක කාලය තුළ තායිවානය වටා චීන හමුදා ක්රියාකාරකම් වැඩි වී ඇති අතර, ප්රටාස් දූපත් දුරස්ථව පිහිටීම හේතුවෙන් ආරක්ෂක අභියෝගවලට මුහුණ දිය හැකි ප්රදේශයක් ලෙස විශේෂඥයන් පෙන්වාදී තිබේ.
