පූජ්‍ය ගලගොඩඅත්තේ ඥානසාර හිමිට ජනාධිපති සමාවක් ලබා දිය හැක්කේ නීත්‍යනුකූල සහ විධිමත් ක්‍රමවේදයකට අනුව සිදු කරන ඉල්ලීමක් මත පමණක් බව ජාතික ජන බලවේගයේ පාර්ලිමේන්තු මන්ත්‍රී ලක්ෂ්මන් නිපුණආරච්චි මහතා අවධාරණය කර තපූජ්‍ය ගලගොඩඅත්තේ ඥානසාර හිමිට ජනාධිපති සමාවක් ලබා දිය හැක්කේ නීත්‍යනුකූල සහ විධිමත් ක්‍රමවේදයකට අනුව සිදු කරන ඉල්ලීමක් මත පමණක් බව ජාතික ජන බලවේගයේ පාර්ලිමේන්තු මන්ත්‍රී ලක්ෂ්මන් නිපුණආරච්චි මහතා අවධාරණය කර තිබේ.
තමන් වහන්සේට සිදුවූ වරද නිවැරදි කරමින් ජනාධිපති අනුර කුමාර දිසානායක මහතාට විශේෂ ජනාධිපති සමාවක් ලබා දිය හැකි බවට ඥානසාර හිමියන් විසින් මෑතකදී කරන ලද ප්‍රකාශය සම්බන්ධයෙන් අදහස් දක්වමින් මන්ත්‍රීවරයා මෙම ස්ථාවරය ප්‍රකාශ කළේය. අධිකරණයකින් ලබාදුන් තීන්දුවක් ජනාධිපතිවරයෙකුට සිය අභිමතය පරිදි හිතුමතේ වෙනස් කළ නොහැකි බවත්, එසේ කළහොත් ජනතාව ජනාධිපතිවරයාව ඒකාධිපතියෙකු ලෙස හඳුන්වනු ඇති බවත් ඔහු පෙන්වා දුන්නේය. පසුගිය පාලන සමයන්හි අත්තනෝමතික ලෙස නීතිය කඩ කරමින් ගත් තීරණ අධිකරණය හමුවේ අභියෝගයට ලක්වූ බව සිහිපත් කළ ඒ මහතා, වත්මන් රජය කිසිවිටෙකත් නීතියට පිටින් ගොස් කටයුතු නොකරන බවත්, යම් විධිමත් ඉල්ලීමක් ඉදිරිපත් වුවහොත් නීත්‍යනුකූල රාමුව තුළ ඒ පිළිබඳව සලකා බැලීමේ හැකියාව පවතින බවත් වැඩිදුරටත් පැහැදිලි කළේය.
මෙම ප්‍රකාශය හරහා වත්මන් පාලනය නීතීයේ ආධිපත්‍යය සහ ස්වාධීන අධිකරණ ක්‍රමවේදය සුරැකීමට ලබා දී ඇති ප්‍රමුඛතාව මනාව තහවුරු වේ. ඉදිරියේදී මෙවැනි නීතිමය හා සංවේදී කරුණු සම්බන්ධයෙන් රජය අනුගමනය කරන මෙම විනිවිදභාවයෙන් යුත් ප්‍රතිපත්තිය මෙරට දේශපාලන සහ යුක්ති පූර්වක යාන්ත්‍රණය තුළ තීරණාත්මක බලපෑමක් ඇති කරනු ඇති බව දේශපාලන විචාරකයෝ පෙන්වා දෙති.
