ආසියානු කුසලාන කාන්තා ක්‍රිකට් තරගාවලිය – 2024 ශ්‍රී ලංකාව සහභාගී වෙන තවත් තරගයක් අද (22) දඹුල්ල ජාත්‍යන්තර ක්‍රිකට් ක්‍රීඩංගනයේදී පැවැත්වීමට නියමිතය .
තරගය අද පස්වරු 2.00ට ආරම්භ කිරීමට සැලසුම් කර ඇති අතර ඒ, මලයාසියානු කාන්තා කණ්ඩාමත් සමගයි.
මේ අතර ආසියානු කුසලාන කාන්තා ක්‍රිකට් තරගාවලියේ ශ්‍රී ලංකාව මුහුණ දුන් පළමු තරගය බංගලාදේශයට එරෙහිව පැවැති අතර එය කඩුලු 7කින් ජය ගැනීමට ශ්‍රී ලංකා පිල සමත්විය.
තරගාවලියේ ඒ කාණ්ඩයේ තරගයක් වූ මෙය රන්ගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදී පැවැත්විය.
එහිදි බංගලාදේශ ක්‍රීඩිකාවන් පිල නියමිත පන්දු වාර 20 අවසානයේ කඩුළු 08 ක් දැවී ලකුණු 111 ක් ලබා ගත්තාය.
ලකුණු 112 ක ජයග්‍රාහි ඉලක්කය හඹා ගිය ශ්‍රී ලංකා ක්‍රීඩිකාවන් පන්දු වාර 17 යි 1 ක් පන්දුවකදී කඩුලු 3 ක් පමණක් දැවී ජයග්‍රහණය තමන් සතු කර ගැනීමට සමත්විය.
යොවුන් ක්‍රීඩිකා විශ්මි ගුණරත්න ලකුණු 51ක් රැස් කළ අතර හර්ෂිතා සමරවික්‍රම ලකුණු 33 ක් සහ චමරි අතපත්තු පන්දු 12 කදී ලකුණු 12 ක් ලබා ගැනීමට සමත්විය.
