යුද්ධ කළේ සාමය වෙනුවෙන් – මහින්ද රාජපක්ෂ 

තමා යුද්ධ කළේ සාමය වෙනුවෙන් බවත් රණවිරු සැමරුමට සහභාගී වුනේ යුතුකමක් වශයෙන් බවත් හිටපු ජනපති මහින්ද රාජපක්ෂ මහතා පවසනවා.

එතුමා මේ බව කියා සිටියේ, අද (20) උදෑසන රණවිරු සැමරුම් ස්මාරකය අසල දීයි.

එම අවස්ථාවට හිටපු ජනපති ගෝඨාභය රාජපක්ෂ මහතා ද එක්ව සිටියා.

මහින්ද රාජපෂ මහතා, වැඩිදුරටත් අදහස් දක්වමිිින් මෙලෙස පැවසුවා.

“යුතුකමක් ඉටුකරන්න අද අපි ආවේ.

ඔව් ඉතින් යුද්ධ කරේ සාමය වෙනුවෙන් තමා. කාවවත් අල්ලගන්න නෙමෙයි. අපි යුද්ධ කළේ රට බේරගන්න.

ඉදිරියට මේවා කරයි ද ? නැද්ද කියන්න බෑ.. ඒක එන ආණ්ඩු එක්ක තමා තීරණය වෙන්නේ.

යුද්ධය කියන්නේ ඛේදවාචකයක්. නමුත් අපේ හමුදා ජයග්‍රහණය කරා. යුද්ධයේ දී එක පැත්තක් ජයග්‍රහණය කරන්න එපැයි.

ජාතික ආරක්ෂාව ඉතින් ප්‍රශ්නයක් නෑනේ. රට ආරක්ෂා කරන්න ඕනේ…”