පොළොන්නරුව මොරගහකන්ද මහවැලි කලාපයේ ඇලහැර ගොවිජන ව්‍යාපාරයේ සිරිකඳුයාය ගම්මානයේ ගොවීන් මෙවර අක්කර ගණනක වී වගා කර තිබෙනවා.
නමුත් වගාව සිදු කර දින 28කටත් අදික කාලයක් ගත වෙතත් ගොයම නිසි වර්ධනයක් නැති බවත් ගොයම කහ පැහැ ගැන්වී ඇති බවත් ගොවීන් පවසනවා.
මේ සම්බන්ධයෙන් ගොවියෙක් පවසා සිටියේ අක්කර ගණන් වගා කරත් රජයෙන් වගකීමක් නොගන්නා බවයි. ගොවි ව්‍යාපාරයට අයත් ගොවින් පවසන්නේ ගොයම ට නිසි පරිදි පොහොර යෙදුවද ගොයම කහ පැහැ ගැන්වී ඇති බවත් නිසි ප්‍රමිතියෙන් තොර පොහොර ලැබී නැති බවත්ය. එමෙන්ම පොහොර හිගයක් ඇති බවද ගොවීන් පවසා සිටිනවා.
බෙහෙත් ටික ණයට ගේන්නේ. ඒ ගෙනාවත් ඉන් පළක් නැහැ. යුරියා නිල් කැට ප්‍රමාණවත් පරිදි ගෙනත් ගොයමට දැම්මත් වැඩක් වෙන්නේ නැහැ. දැන් අපිට කන්න වෙන්නේ මඩ තමයි. මිට වඩා ගොවීන් ගැන බලන්න කියලා අපි ඉල්ලා සිටිනවා. අක්කර ගණන් වගා කරපු අපිට දැන් මඩ කන්න වෙලා . අපි කොහොමද දරුවන්ට කන්න දෙන්නේ.
රජයේ ඇමති ගෝල්ලෝ පොහොර තියෙනවා කියලා කියෝනවා. නමුත් ගොවියන්ට වැඩ කරගන්න පොහොර ටික දෙන්න රජයට බෑ. කරුණා කරලා නාමල් කරුණාරත්න මහත්තයාට කියන්නේ ගොවියන් ගැන කියෙව්වට වැඩක් නැහැ ගොවියා ගැන මිට වඩා හොයල බලන්න කියලා
