“මේ රජය මට සහ මගේ පවුලට එරෙහිව පදනම් විරහිත චෝදනා එල්ල කරමින් සිටී. ඔවුන් මා සහ මගේ පවුල සිරගත කර, ඔවුන්ගේ ජීවිත කාලය පුරාම වධ හිංසා කිරීමට උත්සාහ දරයි. එහෙත්, අපි සිරගෙදර ජීවිතයට බිය නැත. සත්‍යය කවදා හෝ එළියට එනු ඇත. යුක්තියේ දේවතාවිය අපව බේරා ගනීවි”
හිටපු සෞඛ්‍ය අමාත්‍ය කෙහෙළිය රඹුක්වෙල මහතා චෝදනා කර ඇත්තේ වත්මන් රජය තමන් සහ තම පවුලේ සාමාජිකයන් සිරගත කිරීමට උත්සාහ දරන බවයි.
අල්ලස් හා දූෂණ චෝදනා විමර්ශන කොමිසම විසින් අද (27) කොළඹ මහාධිකරණය හමුවේ කෙහෙළිය රඹුක්වෙල මහතාට සහ ඔහුගේ පවුලේ සාමාජිකයන් පස් දෙනෙකුට එරෙහිව චෝදනා පත්‍රයක් ගොනු තිබෙනවා.
අල්ලස් හා දූෂණ කොමිසම විසින් කෙහෙළිය රඹුක්වෙල, ඔහුගේ බිරිඳ, දියණියන් තිදෙනා සහ බෑණාට එරෙහිව චෝදනා 43ක් ගොනු කර තිබෙනවා.
