ඉෂාක් බෙග් මහතාගේ ප්‍රතිකාර සඳහා ජනාධිපති අරමුදල මගින් ප්‍රදානය කෙරුණු රුපියල් 1,000,000 ක චෙක් පත ද ඒ මහතා වෙත පිරිනමන ලද බව වාර්තා වුණා.
ඒ ඊයේ (29) පස්වරුවේදී, බුද්ධශාසන, ආගමික හා සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතා ගායන ශිල්පී ඉෂාක් බෙග් මහතාගේ සුවදුක් විමසීම සඳහා කොලොන්නාවේ පිහිටි ඒ මහතාගේ නිවෙස වෙත පැමිණි අවස්තාවේදී බව සඳහන්.
ඉෂාක් බෙග් වෙනුවෙන් අරමුදල් එක්රැස් කිරීමට ගායක ගායිකා සංගමය විසින් “ ඉෂාක්ට කෝටියක්”යනුවෙන් ව්‍යාපෘතියක් ආරම්භ කර තිබුණා.
ඒ අනුව, ජනප්‍රිය ගායිකාවන්ද සිය මූල්‍යමය සහයෝගය දක්වා තිබුණා.
ගායක ගායිකා සංගමය සඳහන් කළේ පරිත්‍යාගශීලීන්ගේ ලැබුණු පරිත්‍යාග අනුව මේ වනවිටත් අදාළ මුදල ඉක්මවා ගොස් ඇති බවයි.
කෙසේවෙතත් ගායන ශිල්පී ඉෂාක් බෙග් වෙනුවෙන් අරමුදල් රැස් කිරීමට තවදුරටත් සිදුකරන බව එම සංගමය වැඩිදුරටත් සඳහන් කළා.
