දේශබන්දු තෙන්නකෝන් පොලිස්පති ධුරයෙන් ඉවත් කිරිම පිණිස වූ යෝජනාව සම්මත කිරිම සදහා විවාදය අද 05 ආරම්භ විමට නියමිතයි.
මෙම යෝජනාව සම්බන්ධයෙන් පැවැත්වෙන ඡන්ද විමසීමේ දී ජාතික ජන බලවේගය සමග ජන බලවේගය සහ දෙමළ ජාතික සන්ධානය යෝජනාවට පක්ෂව ඡන්දය ප්‍රකාශ කිරීමට තීරණය කර ඇති බවත්, ශ්‍රී ලංකා පොදු ජන පෙරමුණ යෝජනාවට විරුද්ධව ඡන්දය ප්‍රකාශ කිරීමට නියමිත බවත් පාර්ලිමේන්තු ආරංචිමාර්ග සදහන් කර සිටිනවා.
දේශබන්දු තෙන්නකෝන් පොලිස්පති ධුරයෙන් ඉවත් කිරිම පාර්ලිමේන්තු ඡන්ද විමසීම තුළින් සම්මත විමෙන් අනතුරුව ජනාධිපතිවරයා ඉට අනුමැතිය ලබා දුන්නොත් නැවත පොලිස් දෙපාර්තමේන්තුවේ රාජකාරි කිරීමට හැකියාව ඇති බවයි පොලිසි කොමිශම පවසා තිබෙන්නේ.
කෙසේ වෙතත් දේශබන්දු තෙන්නකෝන් පොලිස්පති ධුරයෙන් ඉවත් කළහොත් මිලට පොලිස්පතිවරයා ලෙස දුරයට පත්වන්නේ කව්රුන්ද යන්න බොහෝ දෙනාගේ අවධානය යොමු වි තිබෙනවා.
ජ්‍යෙෂ්ඨ නියෝජ්‍ය පොලිස්පති ප්‍රියන්ත වීරසුරිය මේ වන විට පොලිස් දෙපාර්තමේන්තුවේ වැඩබලන පොලිස්පතිවරයා ලෙස කටයුතු කරනවා.
නමුත් පොලිස් දෙපාර්තමේන්තුවේ නිලධාරී ජ්‍යෙෂ්ඨත්වය අනුව ඉදිරියෙන් පසුවන්නේ ජ්‍යෙෂ්ඨ නියෝජ්‍ය පොලිස්පති ලලිත් පතිනායක යි. ඉන් පසුව ඉදිරියෙන් සිටින්නේ ජ්‍යෙෂ්ඨ නියෝජ්‍ය පොලිස්පති ප්‍රියන්ත වීරසුරියයි.
