සෞඛ්‍ය හා ජනමාධ්‍ය අමාත්‍යාංශයේ පුරප්පාඩු තනතුරු සඳහා නවක නිලධාරීන් බඳවා ගැනීම සීමා කර තිබෙන බව සෞඛ්‍ය අමාත්‍යාංශ ලේකම් විශේෂඥ වෛද්‍ය අනිල් ජාසිංහ විසින් දැනුම් දී තිබෙනවා.
එය චක්‍රලේඛයක් මගින් දැනුම් දී තිබෙන අතර විදේශ නිවාඩු අනුමත කිරීම් පවා තාවකාලිකව නතර කිරීමටයි ඔවුන් තීරණය කර තිබෙන්නේ.
රජයේ සේවකයන්ට වසර 5 ක් වැටුප් රහිතව නිවාඩු ලබා දී විදේශ රැකියාවල නිරත වීමට අවස්ථාව ලබා දී තිබුණා.
කෙසේ වෙතත් මෙම නව චක්‍රලේඛය හරහා එම නිවාඩු ලබා දීම අවලංගු කර ඇති අතර දැනට විදෙස්ගතවූවන් ට නිවාඩු කාලය දීර්ඝ කිරීම ද නතර කර තිබෙනවා.
එමෙන්ම සෞඛ්‍ය හා ජනමාධ්‍ය ඇමති වෛද්‍ය නලින්ද ජයතිස්ස පැවසුවේ, වසර පහක නිවාඩු ලබා විදෙස් ගත සෞඛ්‍ය සේවකයන් යළි රටට කැඳවීමට අමාත්‍යාංශය අවධානය යොමු කරන බවයි.
මෙම විදේශ නිවාඩු තහනම අත්තනෝමතික හා අදූරදර්ශී තීරණයක් ලෙස හඳුන්වා දී තිබෙන බවයි සමස්ත ලංකා හෙද සංගමයේ සභාපති රවීන්ද්‍ර කහදවආරච්චි මහතා පැවසුවේ.
විශේෂඥ වෛද්‍යවරුන්, වෛද්‍යවරුන්, හෙද හෙදියන් නොදන්වා සේවය හැර විදේශ ගතවී රුකියා කරන බවත් ඔහු පවසා සිටියා.
මෙම තීරණය හේතුවෙන් ජාතික රෝහල් පද්ධතිය, ජාතික ප්‍රතිශක්තීකරණ වැඩසටහන්, රෝගී සත්කාර සේවා ඇතුළු සෞඛ්‍ය සේවාවන් තවදුරටත් බිඳවැටීමේ අවදානමක් ඇති බවයි හෙද සංගමයේ සභාපතිවරයා අවධාරනය කර සිටියේ.
එමෙන්ම, විදේශ ගතවූ සෞඛ්‍ය සේවකයන් යළි රටට කැඳවනවා නම් ඔවුන්ට ආකර්ෂණීය රැකියා පරිසරයක් සහ වැටුප් පහසුකම් ලබාදීම තීරණාත්මක බව විශේෂඥයින්ගේ මතය බවත් ඔහු පවසා සිටියා.
ඔවුන් මෙලෙස පවසා සිටියේ රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදීයි.
