ඕස්ට්‍රේලියාවේ සිඩ්නි නුවර නැගෙනහිර ප්‍රදේශයේ කඩදාසි කර්මාන්ත ශාලාවක අද පස්වරු 1ට පමණ ගින්නක් හටගන තිබෙනවා.
ගින්න පැතිර ගොස් අසල ඇති මෝටර් රථ 07ක්ද ගිනිගෙන ඇති බවයි වාර්තා වන්නේ.
බොටනි පාරේ මැට්‍රාවිල් ප්‍රදේශයේ මෙම කර්මාන්ත ශාලාව පිහිටා තිබෙනවා.
මෙය හය වතාවක් අනතුරු ඇඟවීමේ සංඥා නිකුත් කිරීමට තරම් දරුණු ගින්නක් බවයි බලධාරීන් පවසන්නේ.
ගින්න මැඩපැවැත්වීම සඳහා ට්‍රක් රථ 20 කට අධික සංඛ්‍යාවක් සහ ගිනි නිවන භටයින් 80 කට අධික සංඛ්‍යාවක් යොදවා තිබෙන බව විදෙස් මාධ්‍ය පවසනවා.
ගින්න පැතිර යන ප්‍රදේශයේ ඇති මෝටර් රථ ඉවත් කර ඇති බවයි වාර්තා වන්නේ.
කෙසේ වෙතත්, ප්‍රදේශයේ ඇති වූ තද සුළං හේතුවෙන් ගිනි අඟුරු ඉහළට පැන ඇති අතර, ඒ හේතුවෙනුයි අසල තිබූ මෝටර් රථ ගිනිගෙන තිබෙන්නේ.
අනිව් සවුත් වේල්ස් ගිනි නිවන සහ බේරා ගැනීමේ අංශ පවසන්නේ ගින්න මේ වන විට “පාලනය කර ඇති” බවයි.
දැවෙන සුළු කඩදාසි සහිත ගබඩා ප්‍රදේශවලින් දුමාරය තවදුරටත් ඉහළ යන ආකාරයක් දක්නට ලැබෙනවා.
මේ හේතුවෙන් එම ප්‍රදේශයෙන් ඈත්ව සිටින ලෙසයි හදිසි සේවා බලධාරීන් ජනතාවගෙන් ඉල්ලා සිටින්නේ.
සියලුම කාර්ය මණ්ඩලය ඇතුළු පිරිස් ගොඩනැගිල්ලෙන් ආරක්ෂිතව ඉවත් කර තිබෙනවා
