”සෑම හෘද ස්පන්දනයක්ම වැදගත්” – අද හෘද රෝග දිනයයි

සෑම වසරකම සැප්තැම්බර් 29 වනදා ලෝක හදවත් දිනය සමරනවා.
ඒ හදවත් රෝග සම්බන්ධයෙන් ලෝකය දැනුවත් කිරිමේ අරමුණින්.
මෙවර හදවත් දිනයේ තේමාව ”සෑම හෘද ස්පන්දනයක්ම වැදගත්. කිසිම හෘද ස්පන්දනයකට අකාලේ මිය යන්න දෙන්න එපා” යන්නයි.
ලොව වැඩිම පිරිසකට මරණය ගෙන දෙන රෝගී තත්ත්වයක් ලෙස හදවත් රෝග සැලකෙනවා.
ලෝක හදවත් දිනය ප්‍රකාශයට පත් කිරීම මගින් බලාපොරොත්තු වන්නේ ඒ පිළිබද දැනුවත් කර එමගින් සිදුවිය හැකි මරණ අවම කර ගැනීමයි.
ලොව පුරා හෘද රෝග හේතුවෙන් සිදුවන මරණවලින් සියයට 80ක්ම වළක්වා ගත හැකි මරණ බවයි වෛද්‍යවරු පෙන්වා දෙන්නේ.
හෘදයාබාධ,ආගාතය හා හදවත් අක්‍රීය වීම හේතුවෙන් සෑම වසරකම ලොව පුරා මිලියන 20.5කට අධික සංඛ්‍යාවකට ජීවිත අහිමි බවයි වාර්තා වන්නේ.
ලොව පුරා බෝ නොවන රෝග හේතුවෙන් 80%ක් පමණ විශාල මරණ සංඛ්‍යාවක් සිදුවනවා.
වසරකට මිලියන 17ත් 18ත අතර සංඛ්‍යාවක් මෙම රෝගී තත්ත්වයන් නිසා මියයනවා.
බෝ නොවන රෝග හේතුවෙන් මියයන 80%න් 34%ක්ම හෘද රෝග හේතුවෙන් මියයනවා.
2000 වසරේ සිට ජාත්‍යන්තර වශයෙන් ලොව පුරා හදවත් දිනය සැමරීම සිදු කෙරෙනවා.
හෘද රෝග හේතුවෙන් මිය යන්නේ බොහෝ විට ශ්‍රී ලංකාව වැනි සංවර්ධනය වෙමින් පවතින මධ්‍යම ආදායම් සහිත රටවල පිරිස් බව දත්ත වාර්තා වනවා.
හෘද රෝගී තත්ත්වයන් හදුනාගැනීමත් එය වළක්වාගැනීම සහ ඊට හැකි ඉක්මණින් ප්‍රතිකාර කිරීමෙන් හෘද රෝග නිසා සිදුවන මරණ අවම කර ගැනීමට හැකිවනු ඇති.