හෙට (30) වර්ජන ක්රියාමාර්ගයක නිරත වන බව විශ්වවිද්යාලයීය ආචාර්යවරුන්ගේ සමිති සම්මේලනය පවසනවා.
ඒ විශ්වවිද්යාල පද්ධතියේ පවතින ගැටලු විසඳීමට රජය මෙතෙක් අපොහොසත් වීම හේතුවෙන්
අද (29) ප්රවෘත්ති සාකච්ඡාවක් කැඳවමින් එහි ලේකම් ජ්යෙෂ්ඨ කථිකාචාර්ය චාරුදත්ත ඉලංගසිංහ මහතා මේ බව පවසා සිටියා.
ඔහු වැඩිදුරටත් පවසා සිටියේ අද වනවිට රාජ්ය අධ්යාපනය කඩා වැටීමේ බරපතළ අර්බුදයකට මුහුණදෙමින් සිටින බව පැවසුවා.
ආණ්ඩුව බලයට පත්වී වසරක කාලයක් ගතවී ඇති නමුත් තවමත් රාජ්ය විශ්වවිද්යාලවල ඇති අර්බුදවලට විසඳුමක් ලැබී නොමැති බව ද ඔහු සඳහන් කර සිටියා
ඉලංගසිංහ මහතා වැඩිදුරටත් කියා සිටියේ.
විසදුම් නැති ප්රශ්න එක්ක තවදුරටත් මෙම විශ්වවිද්යාල පද්ධතිය ගෙන යන්න හැකියාවක් නෑ. විශ්වවිද්යාල ආචාර්යවරුන්ගේ හිඟය මේ වනවිට බරපතළ තත්ත්වයක පවතිනවා. මහචාර්ය ආචාර්යවරු රට හැර යාම ගැන මිට කලිනුත් අපි දැනුවත් කරා. පසුගිය වසර තුළ පමණක් පේරාදෙණිය විශ්වවිද්යාලයෙන් ආචාර්යවරු 200ක පමණ පිරිසක් විශ්වවිද්යාල හැර ගොස් තිබෙනවා. විශ්වවිද්යාලයක ආචාර්ය වරු 12 000 ක් පමණ සිටිය යුතුයි. නමුත් දැන් ඉන්නේ 5000ටත් අඩුවෙන් තමයි සක්රිය සේවයේ ඉන්නෙ. මේක ඉතාම බරපතල ප්රශ්නයක්. මේ සමග පවතින කිසිම සාකච්ඡාවකට ප්රතිචාර ලැබිල නෑ. ඒ නිසා අපි සියලු දෙනා හෙට වැඩ වර්ජනයකට යන්න සුදානම්
