ඉන්දියාවේ සංගරෙඩ්ඩි දිස්ත්‍රික්කයේ දුක්ඛදායක සිද්ධියක් වාර්තා වුණා.
ඒ වයස අවුරුදු 25ක එක් දරු මවක්, කූඹීන් පිළිබඳ දැඩි බියක් හේතුවෙන් තම නිවසේදීම තම ජීවිතය අවසන් කර තිබීමයි.
වාර්තා අනුව, මියගිය කාන්තාව තම 3 හැවිරිදි දරුවා ඥාතීන් සමඟ සිටීමට යවා, “මම ගෙදර පිරිසිදු කරලා ඉවරවෙනකොට ආපහු එන්න” යනුවෙන් පවසා තිබෙනවා.
ඇයගේ සැමියා තම රාජකාරි නිම කර නිවසට පැමිණි අවස්ථාවේ නිවසේ දොර අගුල් දමා ඇති නිසාත් බිරිද දිගු වේලාවක් ගෙදරින් නොපෙනීම නිසාත් අසල්වැසියන්ගේ උදව්වෙන් දොර කඩා ඇතුළු වී තිබෙනවා. ඉන්පසු ඇය සිවිලිමේ විදුලි පංකාවට එල්ලී මියගොස් ඇති බව ඔහු දැක තිබෙනවා.
ඇය මිය යාමට පෙර තැබූ සටහනක සඳහන් වූයේ
“ශ්‍රී, මට සමාවෙන්න. මට මේ කූඹියොත් එක්ක ජීවත් වෙන්න බෑ. දුව බලාගන්න. පරිස්සම් වන්න.”
පොලිස් විමර්ශන අනුව, ඇය පිරිසිදු කිරීමේදී කූඹීන් දැකීමෙන් පසු බියට ලක්ව මෙවැනි ක්‍රියාවකට යාමට ඉඩ ඇතැයි සැක කෙරේ.
ඇය මීට පෙරද වාර කිහිපයකදී තම කූඹීන් පිළිබඳ බිය සඳහා ප්‍රතිකාර ලබාගෙන තිබූ බව ඇයගේ සැමියා විසින් පොලිසියට දන්වා තිබෙනවා.
මෙම කූඹීන්ට ඇති අතිශය බිය *Myrmecophobia* ලෙස හැඳින්වෙන මානසික තත්ත්වයක්.
මෙයට ගොදුරු වන පුද්ගලයන් කූඹීන් දැකීම හෝ ඒ ගැන සිතා බැලීමත් සමග දැඩි භීතියක් සහ එලිමහනය යාම පවා ප්‍රතික්ෂේප කර සිටිනවා.
