ඇමරිකානු ජනාධිපති ඩොනල්ඩ් ට්රම්ප් සිය දෙවැනි ධුර කාලයේ වසරක් පිරීම නිමිත්තෙන් පැවැත්වූ සම්මුඛ සාකච්ඡාවකදී ඉරානය වෙත අතිශය ප්රබල අනතුරු ඇඟවීමක් සිදු කර තිබේ.
ඉරානය තමන්ව ඝාතනය කිරීමට උත්සාහ කළහොත් එරට ලෝක සිතියමෙන් අතුගා දමන ලෙස තමන් බලධාරීන්ට උපදෙස් ලබා දී ඇති බව ඔහු එහිදී අවධාරණය කළේය. තමන්ව ඉලක්ක කර ගැනීමට ඉරානයට අදහසක් ඇති බවට චෝදනා කරන ජනාධිපතිවරයා, එවැනි උත්සාහයක් ගතහොත් තෝරාගත් ඉලක්කවලට පමණක් සීමා නොවී මුළු ඉරානයටම පහර දෙන බව ප්රකාශ කර ඇත.
මේ අතර මැදපෙරදිග කලාපයේ යුදමය සූදානම ඉහළ නංවමින් ඇමරිකානු එෆ්-15ඊ ප්රහාරක යානා ජෝර්දානයට පැමිණ ඇති අතර, යූ.එස්.එස් ඒබ්රහම් ලින්කන් ගුවන් යානා ප්රවාහන නෞකාව ද කලාපය දෙසට යාත්රා කරමින් පවතී.
ට්රම්ප් ජනාධිපතිවරයා තීරණාත්මක හමුදා මෙහෙයුමක් සඳහා සිය සහායකයින්ට බල කරමින් සිටින බව වාර්තා වන අතර, ඊට ප්රතිචාර දක්වමින් ඉරාන විදේශ අමාත්ය අබ්බාස් අරග්චි ප්රකාශ කර ඇත්තේ ඇමරිකාව ප්රහාරයක් එල්ල කළහොත් තමන් සතු සියලු අවිවලින් ඇමරිකානු හමුදාවලට ප්රතිප්රහාර දෙන බවයි.
