2026 වර්ෂය සඳහා දකුණු පළාත් සංවර්ධන සැලැස්ම යටතේ පළාත් අමාත්යාංශ පහක් සඳහා රුපියල් මිලියන 2937.71ක මුදලක් වෙන් කර ඇති බව දකුණු පළාත් ප්රධාන ලේකම් කාර්යාලය නිවේදනය කරයි.
මෙම ප්රතිපාදන උපමාන පාදක ප්රදාන සහ පළාත් නිශ්චිත සංවර්ධන සැලැස්ම යටතේ ලබා දී ඇති අතර, ඉන් වැඩිම මුදල වන රුපියල් මිලියන 945.12ක් ප්රධාන අමාත්යාංශය වෙත වෙන් කර තිබේ.
අධ්යාපන අමාත්යාංශයට රුපියල් මිලියන 835.29ක් ද, කෘෂිකර්ම අමාත්යාංශයට රුපියල් මිලියන 420.52ක් ද වශයෙන් සෙසු අමාත්යාංශ සඳහා ප්රතිපාදන වෙන් කර ඇත.
මීට අමතරව, අධ්යාපන සහ ක්රීඩා අමාත්යාංශ සඳහා වෙනත් ප්රදාන යටතේ තවත් රුපියල් මිලියන 921ක මුදලක් වෙන් කර තිබීම විශේෂත්වයකි.
දකුණු පළාත් ප්රධාන ලේකම් චන්දිම මුහන්දිරම් මහතා විසින් මෙම සංවර්ධන සැලැස්ම පසුගියදා දකුණු පළාත් වැඩබලන ආණ්ඩුකාර චම්පා ජානකි රාජරත්න මහත්මිය වෙත නිල වශයෙන් පිළිගන්වන ලදී.
ධීවර සහ ක්රීඩා අමාත්යාංශ සඳහා ද රුපියල් මිලියන 300 ඉක්මවූ වෙන් කිරීම් සිදු කර ඇති අතර එමඟින් දකුණු පළාතේ යටිතල පහසුකම් සහ ජීවනෝපාය සංවර්ධනය වේගවත් වනු ඇතැයි අපේක්ෂා කෙරේ.
