මිල්ලනිය, කිම්මන්තුඩාව ප්රදේශයේදී පුද්ගලයෙකු කොහිල වළකට වැටී මියගොස් සිටියදී සොයාගත් බව මිල්ලනිය පොලිසිය පවසයි.
මෙලෙස අවාසනාවන්ත ලෙස මියගොස් ඇත්තේ කිම්මන්තුඩාව ප්රදේශයේ පදිංචිව සිටි 67 හැවිරිදි ආරියපාල නමැති අයෙකි.
සිය බාල සහෝදරයාගේ නිවසට යාබද තාවකාලික නිවසක පදිංචිව සිටි මොහු, පසුගිය රාත්රියේ නිවසට නොපැමිණීම හේතුවෙන් සොහොයුරා විසින් සිදුකළ සෝදිසියකදී මෙම මළසිරුර හමුවී තිබේ.
නිවස අසල පිහිටි කොහිල කොටුවේ තිබී පළමුව කොහිල මිටියක් හමුවී ඇති අතර, පසුව සිදුකළ වැඩිදුර සෝදිසියේදී කොහිල වළ තුළ තිබී මළසිරුර හමුවී ඇත.
ඔහු කොහිල කැපීමට ගිය අවස්ථාවේදී ලිස්සා වැටීමෙන් හෝ හදිසි අසනීප තත්ත්වයක් හේතුවෙන් මෙලෙස මියයන්නට ඇති බවට සැක කෙරේ. මිල්ලනිය පොලිසිය සිද්ධිය සම්බන්ධයෙන් පශ්චාත් මරණ පරීක්ෂණ කටයුතු මෙහෙයවමින් වැඩිදුර විමර්ශන පවත්වයි.
